ఇండియాలో టెక్నాలజీ పెరుగుతున్నకొద్దీ మూఢ విశ్వాసాలను పాటించే వారి సంఖ్య క్రమంగా తగ్గుతూ వస్తోంది. అయితే కొన్ని ప్రాంతాల్లో మాత్రం ఇప్పటికీ కొన్ని వింత సంప్రదాయాలు కొనసాగుతున్నాయి. ముఖ్యంగా మహిళలను ఆ సాంప్రదాయాలు ప్రత్యేక పరిస్థితులలోకి నెట్టేలా చేస్తున్నాయి. అలాంటి ప్రాంతమే హిమాచల్ ప్రదేశ్ (Himachal Pradesh) లోని కులు జిల్లాలోని పిని గ్రామం.
చదవండి: Narendra modi: ఆ ప్రాంతాలు సందర్శించండి..మన్ కీ బాత్లో మోడీ వ్యాఖ్యలు
వర్షాకాలంలో ఇక్కడ ప్రత్యేక పండగ జరుగుతుంది. ఆ పండగలో ప్రజలు ప్రత్యేక ఆచారాలు (Rituals), నియమాలను పాటిస్తారు. పండగ జరిగే ఐదు రోజులూ స్త్రీలు బట్టల్ని అస్సలు ధరించరు. వర్షాకాలంలో జరిగే ఈ 5 రోజుల పండగలలో మహిళలు పూర్తిగా నగ్నంగానే ఉండటం విశేషం. అయితే ఆ 5 రోజుల్లో మహిళలు ఎక్కువ సమయం ఇంట్లోనే గడుపుతుంటారు. గ్రామంలోని ఇతర పురుషుల ముందుకు, బయటకు రారు. ఇంట్లోనే నగ్నంగా ఉండటం అక్కడి ఆచారం.
చదవండి: Assam : పక్షులు ఆత్మహత్య చేసుకునే వింత గ్రామం..ఎక్కడంటే?
ఆ ఊరి గ్రామ దేవత ఓ రాక్షసుడిని ఓడించిన క్షణానికి గుర్తుగా భద్రబ్ మాసం మొదటి రోజున గ్రామస్తులు ఆ కార్యక్రమాన్ని నిర్వహిస్తుంటారు. ఆ రోజుల్లో దుష్టశక్తులు మహిళ గౌరవంపై దాడి చేసి వారి బట్టలు చింపివేస్తాయని గ్రామస్తులు బలంగా నమ్ముతున్నారు. అందుకే ఆ సమయంలో మహిళలు శరీరాన్ని కప్పి ఉంచుకోవడానికి ఉన్ని దుప్పట్లను వినియోగిస్తారు. అయితే కాలక్రమేణా ఆ గ్రామ యువతలో మార్పు వచ్చింది. చాలా మంది ఆ వింత ఆచారాన్ని పాటించడం మానేశారు. కానీ వృద్ధ మహిళలు మాత్రం ఆ ఆచారాన్ని కొనసాగిస్తున్నారు. పండగ రోజుల్లో ఆ ఊరి వృద్ధ మహిళలు నగ్నంగా ఉంటూ ఊరి ఆచారాన్ని పాటిస్తున్నారు.
