See how the cigarette baby looks? Coming as a heroine!
cigarette baby: ‘ఈ నగరానికి ఏమైంది.. ఓ వైపు పొగ.. ఎవ్వరూ నోరు మెదపరేంటి’ యాడ్‌లో కనిపించే పాప అందరికీ తెలిసిందే. ఆమె క్యూట్‌నెస్‌తో ఆ యాడ్ భలేగా ఉంటుంది. ఆ పాప ఎవరు? ఆమె పేరేంటి? ఎక్కడ నుంచి వచ్చింది? అనే విషయాలు మాత్రం ఎవ్వరికీ తెలియదు. యాడ్‌లో కనిపించిన పాప ఇప్పుడు హీరోయిన్‌ ఏజ్‌కు వచ్చేసింది. త్వరలోనే తెలుగులోను ఎంట్రీ ఇవ్వబోతున్నట్టు తెలుస్తోంది. సిగరెట్ యాడ్‌లో కనిపించిన ఈ పాప పేరు సిమ్రన్ నటేకర్. ముంబైకి చెందిన ఈ పాప 1997లో జన్మించింది. చిన్న వయసులోనే యాడ్ లో కనిపించి దేశమంతటా ఎంతో పాపులర్ అయింది. ప్రస్తుతం ఆమె వయసు పాతికేళ్లకు పైగానే ఉంటాయి. అందుకే ఇప్పుడు హీరోయిన్గా ఇండస్ట్రీలో నిలబడేందుకు గట్టిగా ట్రై చేస్తోంది.
చదవండి: Pawan Kalyan: బ్రో మూవీపై స్పందించొద్దు, జనసేన నేతలకు సూచన
సిగరేట్ యాడ్ తర్వాత పలు కమర్షియల్ యాడ్స్‌లో నటించింది సిమ్రన్. ఆ తర్వాత ఫేమస్ సీరియల్ ‘చిన్నారి పెళ్లికూతురు’లో పూజ పాత్రలో నటించింది. బాలీవుడ్ హల్క్ క్రిష్ 3 లోనూ చైల్డ్ ఆర్టిస్టుగా నటించింది సిమ్రన్. ఇక ఇప్పుడు హీరోయిన్గా ఎంట్రీ ఇచ్చేందుకు రెడీ అవుతోంది. ఇప్పటికే పలు ఆడిషన్స్‌లో పాల్గొందట. తెలుగులో ఆ ప్రాజెక్ట్ కూడా ఫైనల్ అయినట్టు తెలుస్తోంది. హీరో, డైరెక్టర్ ఎవరు అనేది ఇంకా బయటికి రాకపోయినా.. త్వరలో ఈ ప్రాజెక్ట్‌కు సంబంధించిన అఫీషియల్ అనౌన్స్మెంట్ ఉంటుందని అంటున్నారు. దీంతో.. ప్రస్తుతం ఈ అమ్మడుకి సంబంధించిన ఫొటోలు సోషల్ మీడియాలో వైరల్ అవుతున్నాయి. ఇందులో సిమ్రన్ క్యూట్ లుక్‌తో కట్టి పడేస్తోంది.
