బేబీ మూవీ(Baby Movie)లో వైష్ణ‌వి చైత‌న్య హీరోయిన్‌గా న‌టించింది. విరాజ్ మ‌రో కీల‌క పాత్ర‌లో న‌టించారు. విమ‌ర్శ‌కుల ప్ర‌శంస‌లు ద‌క్కించుకున్న`క‌ల‌ర్ ఫొటో` సినిమాకు క‌థ అందించ‌డ‌మే కాకుండా నిర్మాత‌గా కూడా వ్య‌వ‌హ‌రించిన సాయి రాజేష్ నీలం ఈ చిత్రానికి ద‌ర్శ‌క‌త్వం వ‌హించారు. ఎస్‌కెఎన్ నిర్మించిన ఈ సినిమా ఇటీవల ప్రేక్ష‌కుల ముందుకొచ్చింది. మూవీ విడుదలైనప్పటి నుంచి పాజిటివ్ టాక్ తో దూసుకుపోతోంది. ముఖ్యంగా హీరోయిన్ నటకు ప్రశంసల వర్షం కురుస్తోంది.
చదవండి: Nidhi Agarwal: పాపం పాప.. పవన్ పై ఇంకా ఆశలు పెట్టుకుంది!
అసలు పెద్దగా గుర్తింపు లేని నటీనటులతో సినిమా తీసి ఊహించని హిట్ అందుకున్నారు. కాగా మూవీ బాక్సాఫీసు వద్ద కాసుల వర్షం కురిపిస్తోంది. కాగా ఈ మూవీ(Baby Movie)పై టాలీవుడ్ రైటర్ కమ్ డైరెక్టర్ బీవీఎస్ రవి తాజాగా ఓ ట్వీట్ చేశారు. వీళ్లు నిజంగానే ఇడియట్సా? లేదా దురదృష్టవంతులో తెలియడం లేదు.. ఈ సినిమాను సమ్మర్‌లో రిలీజ్ చేసి ఉంటే.. ఇండస్ట్రీ హిట్ అయ్యేది అంటూ ట్వీట్ చేశారు. ఇన్ డైరెక్ట్ గా మూవీ టీమ్ పై ప్రశంసల వర్షం కురిపించడం విశేషం.
