మాస్ మూవీ మేకర్స్ బ్యానర్ పై తెరకెక్కిన చిత్రం బేబీ(Baby Movie). ఈ మూవీని నిర్మాత ఎస్కేఎన్ నిర్మించారు. సాయి రాజేష్ దర్శకత్వంలో ఆనంద్ దేవరకొండ, వైష్ణవి చైతన్య, విరాజ్ అశ్విన్‌లు నటించారు. తాజాగా ఈ మూవీ జులై 14వ తేదిన విడుదలై పాజిటివ్ టాక్‌తో దూసుకుపోతోంది. ఈ చిత్రం విడుదలైన మొదటి రోజే రికార్డు కలెక్షన్లను రాబట్టింది. దీంతో ప్రేక్షకులకు థ్యాంక్స్ చెప్పేందుకు మేకర్స్ సక్సెస్ మీట్ నిర్వహించారు.
చదవండి: Sitara : మంచి మనసు చాటుకున్న సితార..ఛారిటీకి కోటి సహాయం
ఈవెంట్‌లో దర్శకుడు సాయి రాజేష్ మాట్లాడుతూ తాను మామూలుగా చకచకా పరిగెత్తేలా స్క్రిప్ట్ రాస్తానని, అయితే బేబీ(Baby Movie) కథ రాస్తున్నప్పుడు మాత్రం క్యారెక్టర్లను కాస్త మెల్లిగానే చూపించానని తెలిపారు. స్లో నెరేషన్‌తో సినిమా తీస్తే ఆడుతుందో లేదోననే సందేహం ఉండేదని, కానీ ప్రేక్షకులు ప్రతి సీన్ ను ఎంజాయ్ చేస్తున్నారని అన్నారు. ఇరవై ఏళ్ల క్రితం తాను ఎనిమిది నెలలు నరకం అనుభవించానని, ఆ బాధను తెలియజేయాలనే ఉద్దేశంతోనే ఈ కథను రాశానని తెలిపారు. త్వరలో ఎస్కేఎన్ తోనే మరో సినిమా ప్లాన్ చేస్తున్నానన్నారు.
చదవండి: BRO Movie: పవన్ కళ్యాణ్ ‘బ్రో’ మూవీ నుంచి ‘జాణవులే’ సాంగ్ రిలీజ్
నిర్మాత ఎస్కేఎన్ మాట్లాడుతూ ఈ సినిమాకు ఫస్ట్ రివ్యూ ఇచ్చిన మీడియాకు థాంక్స్ చెప్పారు. సినిమాను చూసి ప్రేక్షకులు ఏడుస్తూ బయటకు వచ్చారని, ప్రసాద్ ఐ మాక్స్ లో ప్రీమియర్ పడ్డాక సినిమా సక్సెస్ టాక్ వచ్చిందని తెలిపారు. ఎన్నో కష్టాలు పడి సినిమా తీసినట్లు చెప్పుకొచ్చారు. ఆడియన్స్ ఈ సినిమా లెంగ్త్ చూడలేదని, స్ట్రెంత్‌ను చూశారన్నారు. బేబీ(Baby Movie) నిర్మాతగా తాను గర్వపడుతున్నట్లు తెలిపారు.
చదవండి: Gunturkaram Movie: గుంటూరు కారంలో కబడ్డీ సీక్వెన్స్..?
ఆనంద్ దేవరకొండ మాట్లాడుతూ చిన్న సినిమాల్లో హయ్యస్ట్ ఓపెనింగ్స్ వచ్చిన సినిమాగా బేబీ(Baby Movie) నిలిచిందని ఆనందం వ్యక్తం చేశారు. వైష్ణవి చైతన్య మాట్లాడుతూ సినిమాలోని ప్రతి డైలాగ్‌కు ఆడియన్స్ కనెక్ట్ అయ్యారన్నారు. తన మొదటి సినిమా బేబీ కోసం ప్రాణం పెట్టి చేశానని అన్నారు. విజయ్ బుల్గానిన్ మాట్లాడుతూ తన మూవీకి హౌస్ ఫుల్ ఎలా ఉంటుందో చూడాలని అనుకున్నానని, బేబీతో తన కోరిక తీరిపోయిందన్నారు.
చదవండి: Amarnath Yatra: అమర్‌నాథ్ యాత్రలో సాయిపల్లవి.. పోస్ట్ వైరల్
