బాలీవుడ్ బాద్‌షా షారుఖ్ ఖాన్(shah rukh khan) నటించిన స్పై యాక్షన్ థ్రిల్ల‌ర్‌ పఠాన్.. జనవరి 25న ప్రపంచ వ్యాప్తంగా భారీ ఎత్తున రిలీజ్ అయింది. యాక్షన్ డైరెక్టర్ సిద్ధార్థ్ ఆనంద్ ద‌ర్శ‌క‌త్వంలో తెరకెక్కిన ఈ సినిమా.. యావరేజ్ టాక్‌తోనే బాక్సాఫీస్ దగ్గర వసూళ్ల వర్షం కురిపించింది. దాదాపు నాలుగేళ్ల తర్వాత షారుఖ్‌ను తెరపై చూసేందుకు ఫ్యాన్స్ ఎగబడ్డారు. దాంతో వెయ్యి కోట్లు రాబట్టింది పఠాన్. ఈ సినిమాతో కింగ్ ఖాన్ సాలిడ్ బౌన్స్ బ్యాక్ అయ్యాడు. ఇదే జోష్‌లో జవాన్‌గా రాబోతున్నాడు షారుఖ్. కోలీవుడ్ మాస్ డైరెక్టర్ అట్లీ తెరకెక్కించిన ఈ పాన్ ఇండియా సినిమాలో నయనతార హీరోయిన్‌గా నటిస్తోంది. ఇప్పటికే రిలీజైన జవాన్ పోస్టర్‌లు, గ్లింప్స్‌ సినిమాపై అంచనాలును పెంచేశాయి. అందుకే ఈ మూవీ నుంచి టీజర్, ట్రైలర్ కోసం షారుఖ్ ఫాన్స్ ఈగర్‌గా వెయిట్ చేస్తున్నారు. తాజాగా జవాన్ ప్రివ్యూను రిలీజ్ చేశారు మేకర్స్.
ఇది కూడా చూడండి: Actress Mahalakshmi: భర్తకు ఆరడుగుల సర్ ప్రైజ్ గిఫ్ట్ ఇచ్చిన నటి
దాదాపు రెండు నిమిషాల ఈ ప్రీవ్యూ చూసి షారుఖ్ ఫ్యాన్స్ ఫుల్ ఖుషి అవుతున్నారు. నేనేవరిని అంటూ మొదలైన ట్రైలర్.. అట్లీ యాక్షన్ మార్క్‌తో అదిరిపోయిందనే చెప్పాలి. ఈ సినిమలో దీపికా పదుకొనే స్పెషల్ అప్పియరెన్స్ ఇవ్వగా.. విజయ్ సేతుపతి కీ రోల్ ప్లే చేస్తున్నాడు. అలాగే ప్రియమణి కూడా స్పెషల్ రోల్‌లో ఫైట్స్ చేస్తూ కనిపించింది. ఈ ట్రైలర్(trailer)లో షారుఖ్ ఖాన్ చాలా వేరియేషన్స్‌లో కనిపించాడు. ట్రైలర్ మొత్తం షారుఖ్ ఖాన్ చుట్టే తిరిగింది. ముఖ్యంగా ట్రైలర్ ఎండింగ్‌లో షారుఖ్ ఖాన్ గుండు లుక్ చూస్తే ఔరా అనాల్సిందే. ఈ ప్రివ్యూ వీడియోని అనిరుద్ తన బ్యాక్ గ్రౌండ్ స్కోర్‌తో ఓ రేంజ్‌లో ఎలివేట్ చేసాడు. ఫైట్స్, సెట్స్, హ్యుజ్ స్టార్ కాస్ట్.. ఇలా అన్ని విధాలుగా పక్కా కమర్షియల్ ఫిల్మ్‌గా జవాన్ వస్తోంది. మొత్తంగా తల్లికి ఇచ్చిన మాట కోసం జవాన్ ఏం చేసాడు? అనే పాయింట్‌లో ఈ స్టోరీ సాగుతుందని చెప్పొచ్చు. సెప్టెంబర్ 7న ఈ సినిమా రిలీజ్‌కు ప్లాన్ చేస్తున్నారు. మరి ఈ సినిమాతో షారుఖ్ ఎలాంటి విజయాన్ని అందుకుంటాడో చూడాలి.
