సూర్య 42 వర్కింగ్ టైటిల్‌తో మొదలైన ఈ సినిమాకు..పాన్ ఇండియా రేంజ్‌లో ఇటీవలె ‘కంగువ(Kanguva)’ అనే టైటిల్ ఫిక్స్ చేశారు. ఏకంగా పది భాషల్లో ఈ సినిమా రిలీజ్‌కు ప్లాన్ చేస్తున్నారు. ఈ చిత్రానికి శివ దర్శకత్వం వహిస్తున్నాడు. దిశాపటానీ హీరోయిన్‌గా నటిస్తోంది. ఇప్పటికే ఈ సినిమా నుంచి రిలీజ్ అయిన ప్రీ లుక్ పోస్టర్స్, టైటిల్ మోషన్ వీడియోలు.. అంచనాలు భారీగా పెంచేశాయి. అయితే ముందు నుంచి ఈ సినిమా పై మగధీర పోలికలు కనిపిస్తున్నాయి. ఈ క్రమంలో.. ఈ సినిమా ఎలా ఉండబోతుందో స్టోరీలైన్ చెప్పి.. క్యూరియాసిటీ పెంచేశారు ప్రముఖ నిర్మాత ధనంజయన్‌. ఇప్పటికే చాలా మంది మగధీర సినిమా చూశారు. ఇప్పుడు కంగువ కూడా అలాగే ఉంటుందని.. గతానికి, ప్రస్తుతకాలానికి మధ్య ఉండే కనెక్షన్‌తో సాగే స్టోరీలైన్ ఆధారంగా కంగువ ఉండబోతుందని అన్నారు.
ఇది కూడా చూడండి: Tiger 3: ఎవేంజర్స్ కనెక్షన్ తో టైగర్ 3 మూవీ
సినిమా చూశాక ఆ కనెక్షన్ ఏంటో మీకే తెలుస్తుంది. మగధీర చాలా వివరణాత్మకంగా ఉంటుంది. కానీ కంగువ స్టోరీలైన్(story line) సింపుల్‌గా సాగుతుందని అన్నారు. అలాగే.. కంగువ మూవీకి సీక్వెల్ కూడా వచ్చే ఛాన్స్ ఉందని హింట్ ఇచ్చారు. దీంతో కంగువ 2 కూడా రాబోతోందని ఫిక్స్ అయిపోయారు సూర్య ఫ్యాన్స్. అంతేకాదు.. అంచనాలు కూడా భారీగా పెరిగిపోతున్నాయి. సూర్య కెరీర్లోనే భారీ బడ్జెట్‌తో కంగువ తెరకెక్కుతోంది. స్టూడియో గ్రీన్-యూవీ క్రియేషన్స్ కలిసి ఈ సినిమాను.. ౩డీ ఫార్మాట్‌లో కూడా నిర్మిస్తున్నారు. రాక్‌ స్టార్ దేవీ శ్రీ ప్రసాద్‌ సంగీతం అందిస్తున్న ఈ సినిమాను.. 2024లో రిలీజ్‌కు ప్లాన్ చేస్తున్నారు. మరి కంగువ ఎలా ఉంటుందో చూడాలి.
