బీహార్‌లోని ఖగారియాలో నిర్మాణంలో ఉన్న అగువానీ-సుల్తంగంజ్ వంతెన అందరూ చూస్తుండగానే ఆదివారం సాయంత్రం కూలిపోయింది. ఈ దృశ్యాలు ప్రస్తుతం సోషల్ మీడియోలో తెగ చక్కర్లు కోడుతున్నాయి. దీంతోపాటు అక్కడ ఉన్న స్థానికులు లైవ్ దృశ్యాలను కెమెరాలో బంధించారు. అయితే ఈ ఘటనలో ఇప్పటి వరకు ఎలాంటి ప్రాణనష్టం జరగలేదు. అయితే ఈ వంతెన కూలిపోవడం ఇది రెండోసారి కావడం విశేషం. మరోవైపు బీహార్ ముఖ్యమంత్రి నితీష్ కుమార్ ఈ ఘటనపై విచారణకు ఆదేశించారు. బాధ్యులను గుర్తించాలని సంబంధిత అధికారులను కోరారు.
ఇది కూడా చూడండి: Odisha Train Accident: ఒడిశా రైలు ప్రమాదంపై సీబీఐ విచారణ
బీహార్‌లోని ఖగారియాలో రూ.1,700 కోట్ల వ్యయంతో అగువానీ సుల్తాన్‌గంజ్ గంగానదిపై వంతెనను నిర్మిస్తున్నారు. పిల్లర్ 2, 3 మధ్య 206 మీటర్ల పొడవు గల వంతెన ముందు భాగం కూలిపోయింది. గత ఏడాది ఏప్రిల్ 30న ఈ బ్రిడ్జిలో కొంత భాగం కూలిపోయింది. ఆ తర్వాత ఒక అధ్యయనం చేయడానికి నిర్మాణ విషయాలలో IIT రూర్కీని సంప్రదించారు. ఇంకా తుది నివేదిక రావాల్సి ఉంది. ఆ లోపే ఇలా జరగడం విశేషం. తుది నివేదిక కోసం వేచి ఉండకూడదని తాము నిర్ణయించుకున్నామని బ్రిడ్జ్ నిర్వహకులు తెలిపారు. వంతెన భాగాలను క్రిందికి లాగడానికి ప్రయత్నించామని వెల్లడించారు. ఈ చర్యలో భాగంగానే ఇలా జరిగిందని తెలిపారు.
మరోవైపు ఈ దుర్ఘటనపై బిహార్ ప్రభుత్వంపై ప్రతిపక్షాల నుంచి విమర్శలు వెల్లువెత్తాయి. దీనిపై బిహార్ బీజేపీ అధ్యక్షుడు తీవ్రంగా స్పందించారు. ముఖ్యమంత్రి నితీష్ కుమార్ రాజీనామా చేయాలని డిమాండ్ చేశారు. నితీష్ కుమార్ నేతృత్వంలోని బీహార్ ప్రభుత్వ పాలనలో అవినీతి విచ్చలవిడిగా పెరిగిపోయిందని ఈ ఘటన తెలియజేస్తోందని చౌదరి అన్నారు.
#WATCH | Bihar Deputy CM Tejashwi Yadav speaks on the collapse of an under-construction bridge in Bhagalpur which collapsed for the second time. https://t.co/MoeA7wF1nN pic.twitter.com/sgMuTGwaIs
— ANI (@ANI) June 4, 2023
