ఒడిశాలో జరిగిన ఘోర రైలు ప్రమాదం(Odisha Train Accident)పై సీబీఐ విచారణకు రైల్వే శాఖ ఆదేశించింది. ఈ ప్రమాదం విచారణను సీబీఐతో చేయిస్తున్నట్లు ప్రకటించింది. విచారణ నిమిత్తం రైల్వే బోర్టు సీబీఐకు సిఫారసు చేసింది. రైల్వే మంత్రి అశ్వినీ వైష్ణవ్(Ashwini vaishnav) ఈ విషయాన్ని తెలిపారు. సీబీఐ(central bureau of investigation) సమగ్రంగా దర్యాప్తు చేస్తుందని, వాస్తవాలేంటో సీబీఐతో బయటపడతాయన్నారు. ప్రమాదానికి కారకులైన వారిని కఠినంగా శిక్షిస్తామని తెలిపారు.
ఇది కూడా చూడండి: Ashwini Vaishnaw: రైలు ప్రమాదానికి గల కారణం గుర్తించాం
ఒడిశాలోని బహనగ బజార్ రైల్వే స్టేషన్ సమీపంలో శుక్రవారం ప్రమాదం జరిగిన సంగతి తెలిసిందే. ఈ ప్రమాదం(Odisha Train Accident)లో మూడు రైళ్లు ఢీకొన్నాయి. 288 మంది ప్రయాణికులు ప్రాణాలు కోల్పోయారు. ఈ ప్రమాదంలో ఇప్పటి వరకూ వెయ్యి మందికి పైగా ప్రయాణికులు తీవ్ర గాయాలపాలయ్యారు.
ఇది కూడా చూడండి: West Bengal: స్టూడెంట్ ను ప్రేమించినందుకు టీచరుకు రూ.8లక్షల జరిమానా
ప్రధాని నరేంద్ర మోదీ ఘటనా స్థలానికి స్వయంగా వెళ్లి అక్కడి పరిస్థితులను పరిశీలించారు. ఆస్పత్రికి చేరుకుని గాయాలపాలైన వారిని పరామర్శించారు. కాగా ఈ ఘటన(Odisha Train Accident)లో సిగ్నలింగ్ లోపం వల్లే ప్రమాదం జరిగినట్లు రైల్వే శాఖ ప్రాథమికంగా నిర్ధారణకు వచ్చినట్లు తెలిపింది. గూడ్స్ ట్రైన్‌లో ఇనుము ముడి పదార్థాలు ఉండడం వల్ల ప్రమాద తీవ్రత ఎక్కువైందని, అందుకే చాలా మంది ప్రాణాలు కోల్పోయినట్లు తెలిపింది.
