Jabardasth : ఈటీవీలో ప్రసారమవుతున్న జబర్దస్త్, ఎక్స్ట్రా జబర్దస్త్ మునుపటి వైభవం కోల్పోయాయి. షో ద్వారా ఫేమస్ అయిన టాప్ కమెడీయన్స్ అందరూ కార్యక్రమం నుంచి తప్పుకున్నారు. దీంతో ఆడియన్స్ లో షో పై క్రేజ్ తగ్గింది. జడ్జీల్లోనూ నాగబాబు(Nagababu), రోజా(Roja)లాంటి వారు వెళ్లిపోయాక కుదురుగా ఒక్కరు కూడా జడ్జి సీటులో నిలవడం లేదు. తరచుగా కొత్తవారు వస్తున్నారు పాత వాళ్లు పోతున్నారు. దీంతో షోకి పూర్వ వైభవం తేవడం కోసం టీం అనేక ప్రయత్నాలు చేస్తోంది. ఈ క్రమంలో జబర్దస్తకు కొత్త జడ్జిని తీసుకొచ్చారు.
చదవండి : Drugs seized: కేరళ, జమ్మూకశ్మీర్‌లో రూ.12 వేల కోట్ల విలువైన డ్రగ్స్ పట్టివేత
ఈ క్రమంలోనే హీరోయిన్ సదా(Sadaa) ఎక్స్ట్రా జబర్దస్త్ జడ్జిగా ఎంట్రీ ఇచ్చారు. లేటెస్ట్ ప్రోమో(Promo)లో ఆమె ఆరంగేట్రంతో క్లారిటీ వచ్చింది. నటుడు కృష్ణ భగవాన్(Krishna bagvan) తో పాటు జబర్దస్త్ జడ్జి సీటును సదా పంచుకున్నారు. ట్రెండీ వేర్లో సదా సూపర్ గ్లామరస్ గా కనిపించారు. ఆమె రాకతో జబర్దస్త్ ఇమేజ్ పెరుగుతుందని భావిస్తున్నారు మేకర్స్. మొన్నటి వరకు వరకు సదా బీబీ జోడి డాన్స్ రియాలిటీ షోలో ఆమె సందడి చేశారు. తాజాగా ఆమె జబర్దస్త్ లోకి ఎంట్రీ ఇచ్చారు. అలాగే ఒకప్పటి జబర్దస్త్ కమెడియన్ షకలక శంకర్ సైతం రీఎంట్రీ ఇచ్చాడు. షో బిగినైన కొత్తల్లో షకలక శంకర్ టీం లీడర్ గా ఉన్నారు. వెండితెరపై బిజీ అయిన ఆయన జబర్దస్త్ వదిలేశాడు. గతంలో తెలుగు పాపులర్ డాన్స్ రియాలిటీ షో ఢీ రెండు సీజన్స్ కి సదా జడ్జిగా చేశారు. జయా టీవీలో ప్రసారమైన షోకి మొదటిసారి ఆమె జడ్జిగా వ్యవహరించారు. ఇక సదా కెరీర్ పరిశీలిస్తే ఆమె సిల్వర్ స్క్రీన్ పై కనిపించి చాలా రోజులు అవుతుంది. 2018లో విడుదలైన తమిళ చిత్రం టార్చ్ లైట్ తర్వాత మరలా కనిపించలేదు. మంచి ఆఫర్ వస్తే నటించడానికి సిద్ధంగా ఉన్నారు.
చదవండి : Bhojpuri Actress: హోటల్లో హైటెక్‌ వ్యభిచారం.. నటి, మోడల్‌ అరెస్ట్
