కేసీఆర్ ట్రాప్ లో జేడీ లక్ష్మీ నారాయణ పడిపోయారంటూ బీజేపీ నేత విష్ణువర్థన్ రెడ్డి(Vishnu Vardhan reddy) పేర్కొన్నారు. ఈ రోజు మీడీయాతో మాట్లాడిన ఆయన.. తెలుగు రాష్ట్రాల్లో తమ పార్టీకి బలం పెరుగుతుందని ఆయన అన్నారు. కర్నాటక అసెంబ్లీ ఎన్నికల తరువాత ఏపీ రాజకీయ ముఖ చిత్రం మారిపోతుందని ఆయన జోస్యం చెప్పారు.
కొద్ది రోజుల క్రితం తమ పార్టీలో చేరిన మాజీ ముఖ్యమంత్రి కిరణ్ కుమార్ రెడ్డి వలన మాజీ ప్రజా ప్రతినిధులందరూ కూడా బీజేపీకి టచ్ లోకి వస్తున్నారని పేర్కొన్నారు. విశాఖ ఉక్కును అడ్డు పెట్టుకొని తెలంగాణ ముఖ్యమంత్రి కేసీఆర్ రాజకీయాలు చేస్తున్నారంటూ మండిపడ్డారు.
కేసీఆర్ ట్రాప్ లో జేడీ లక్ష్మీ నారాయణ కూడా చిక్కుకున్నారని ఆయన ఆరోపణలు గుప్పించారు. ఇదిలా ఉండగా 2024 ఎన్నికల తరువాత ఏపీలో ఓ ముఖ్యమైన ప్రాంతీయ పార్టీ పూర్తిగా కనుమరుగు అవుతుందని ఆయన జోస్యం చెప్పారు. ఆయన చెప్పింది ఏ పార్టీ గురించి అనే చర్చ మొదలైంది.
