ప్రధాని మోదీ(PM Modi) ఏప్రిల్ 8వ తేదిన హైదరాబాద్(Hyderabad)కు రానున్నారు. సికింద్రాబాద్ రైల్వే స్టేషన్ ఆధునికీకరణకు ఆయన శంకుస్థాపన చేశాక హైదరాబాద్ లో ఆయన పర్యటించనున్నారు. రూ.700 కోట్లతో సికింద్రాబాద్ రైల్వే స్టేషన్ పనులు జరుగుతున్నాయి. అదేవిధంగా మోదీ ఆరోజే తిరుపతి-సికింద్రాబాద్ మధ్య వందే భారత్ రైలు(Vande Bharat Rail)ను ప్రారంభించనున్నారు. రెండు నెలల క్రితమే నరేంద్ర మోదీ ఈ కార్యక్రమానికి హాజరవ్వాల్సి ఉంది. అయితే అనివార్య కారణాలతో హాజరు కాలేదు.
చదవండి: ISRO: LVM3-M3 వన్ వెబ్ ఇండియా-2 మిషన్‌ ప్రయోగం సక్సెస్
ప్రధాని మోదీ(PM Modi) పర్యటన సందర్భంగా హైదరాబాద్ బీజేపీ(BJP) నేతలతో కేంద్ర మంత్రి కిషన్ రెడ్డి సమావేశం అయ్యారు. పెద్ద ఎత్తున జన సమీకరణకు ప్లాన్ చేస్తున్నట్లు సమాచారం. తెలుగు రాష్ట్రాల్లో రెండో వందే భారత్ రైలు(Vande Bharat Rail) రానుండటంతో రైల్వే ప్రయాణికులు ఆనందం వ్యక్తం చేస్తున్నారు. ప్రస్తుతం సికింద్రాబాద్ నుంచి ఏపీ(AP)లోని విశాఖకు వందే భారత్ రైలు నడుస్తోంది. త్వరలోనే సికింద్రాబాద్ నుంచి తిరుపతి(Tirupathi) మార్గంలో మరో రైలు రానుంది.
చదవండి: Supreme Court : రాహుల్‌ గాంధీ అనర్హతపై సుప్రీంకోర్టులో పిటిషన్‌ దాఖలు
ఏప్రిల్ 8వ తేదిన సికింద్రాబాద్ నుంచి తిరుపతికి వందేభారత్ రైలు(Vande Bharat Rail)ను ప్రారంభించేందుకు రైల్వే శాఖ సన్నద్ధమైంది. హైదరాబాద్ నుంచి తిరుపతికి వెళ్లేందుకు ప్రస్తుతం నాలుగు రైల్వే మార్గాలు ఉన్నాయి. అందులో నారాయణాద్రి రైలు నడిచే మార్గంలోనే వందే భారత్ రైలును ప్రవేశపెట్టనున్నట్లు తెలుస్తోంది. ప్రస్తుతం తిరుపతికి 12 గంటల సమయం పడుతోంది. వందేభారత్ రైలులో అయితే 6.30 గంటల్లోనే తిరుపతి(Tirupathi)కి చేరుకునే అవకాశం ఉంటుంది.
