E.G: రాజమండ్రిలో భవనాలు అనుమతి పొందిన ప్లాన్ల ప్రకారమే కడితేనే ఆక్యుపెన్సీ సర్టిఫికెట్ ఇస్తామని కమిషనర్ రాహుల్ మీనా స్పష్టం చేశారు. శనివారం టౌన్ ప్లానింగ్ అధికారులతో కలిసి సోమాలమ్మ టెంపుల్ రోడ్డు, గాదాలమ్మ నగర్ ప్రాంతాల్లో ఆయన క్షేత్రస్థాయిలో పర్యటించారు. పలు భవనాల ప్లాన్లు, లేఅవుట్లను పరిశీలించారు. భవన నిర్మాణాలకు అనుమతులు తప్పనిసరి అని సూచించారు.
