కాంగ్రెస్ నేత రాహుల్ గాంధీ దేశ వ్యాప్తంగా జోడో యాత్ర చేస్తున్న సంగతి తెలిసిందే. కాగా…. ఆయన జోడో యాత్ర ఈ నెల 23న తెలంగాణ రాష్ట్రంలోకి అడుగుపెట్టనుంది. కాగా… హైదరాబాద్ నగరంలోకి ఈ నెల 31వ తేదీన రాహుల్ గాంధీ అడుగుపెట్టనున్నారు. ఈ విషయాన్ని తెలంగాణ కాంగ్రెస్ నేత రేవంత్ రెడ్డి మీడియాకు వివరించారు.
ఈ నెల 23వ తేదీన క‌ర్ణాట‌క నుంచి కృష్ణా బ్రిడ్జి మీదుగా మ‌హ‌బూబ్ న‌గ‌ర్ జిల్లా మ‌క్త‌ల్ నియోజ‌క‌వ‌ర్గంలోకి పాద‌యాత్ర ప్ర‌వేశిస్తుంద‌ని ఆయన వివరించారు. యాత్ర పై స‌మ‌న్వ‌యం చేసుకునేందుకు పార్ల‌మెంట్ నియోజ‌క‌వ‌ర్గాల వారీగా ఇంఛార్జ్ ల‌ను నియ‌మించిన‌ట్లు ఆయన తెలిపారు. ఈ నెల 31న జోడో యాత్ర హైదరాబాద్ లోకి ప్ర‌వేశిస్తోంద‌ని ఆయన వివరించారు.
హైదరాబాద్ న‌గ‌రంలో చార్మినార్ నుంచి యాత్ర ప్రారంభ‌మై గాంధీ భ‌వ‌న్ మీదుగా నెక్లెస్ రోడ్ లోని ఇందిరా గాంధీ విగ్ర‌హం వ‌ర‌కు చేరుకుంటుంద‌ని పేర్కొన్నారు. ఆ రోజు ఇందిరాగాంధీ వ‌ర్ధంతి సంద‌ర్భంగా నెక్లెస్ రోడ్ లో బ‌హిరంగ స‌భ నిర్వ‌హిస్తామ‌న్నారు.
జుక్క‌ల్ నియోజ‌క‌వ‌ర్గంలోని మ‌ద్నూర్ వ‌ర‌కు జోడో యాత్ర కొన‌సాగుతుంద‌న్నారు. పాద‌యాత్ర‌ను విజ‌య‌వంతం చేసేందుకు ప్ర‌తి కార్య‌క‌ర్త, నాయ‌కుడు కృషి చేయాల‌ని ఈ సంద‌ర్భంగా రేవంత్ పిలుపునిచ్చారు.
ఇది కూడా చూడండి: కృష్ణానదిపై ఐకానిక్ బ్రిడ్జ్..కేంద్రం ఆమోదం
