T20 World Cup: Team India returns home with the cup
T20 World Cup: దశాబ్దాల తర్వాత టీ20 ప్రపంచ కప్ సాధించి ఈరోజు భారత్‌కు చేరుకుంది. బీసీసీఐ ఏర్పాటు చేసిన ప్రత్యేక విమానంలో టీమ్‌ఇండియా ఢిల్లీ చేరుకుంది. దాదాపు 17 ఏళ్ల తర్వాత టీ20ట్రోఫీ సాధించిన టీమ్‌ఇండియాకు స్వదేశంలో అభిమానులు, అధికారులు ఘన స్వాగతం పలికారు. ఆ తర్వాత ప్రధాని నరేంద్ర్రమోదీతో టీమ్‌ఇండియా ఆటగాళ్లు, కోచింగ్ సిబ్బందితో అల్పాహార విందు చేయనున్నారు. ఆ తర్వాత ప్రత్యేక విమానంలో ముంబాయికి బయలుదేరతారు. అక్కడ సాయంత్రం 5గంటలకు ఓపెన్‌టాప్ బస్సులో రోడ్ షో నిర్వహించనున్నారు. ముంబాయిలోని ప్రఖ్యాత నారీమన్ పాయింట్ నుంచి వాంఖడే స్టేడియం వరకు ఓపెన్ బస్‌లో ప్రపంచకప్ వీరులు విక్టరీ పరేడ్‌లో పాల్గొంటారు. ఈ విషయాన్ని బీసీసీఐ కార్యదర్శి జై షా సోషల్ మీడియా ద్వారా తెలిపారు.
ఇది కూడా చూడండి: pawan kalyan : పిఠాపురంలో ఇల్లు కట్టుకునేందుకు పవన్‌ సన్నాహాలు
ప్రపంచకప్ గెలిచిన టీమ్‌ఇండియాను గౌరవించుకునేందుకు విజయోత్సవ ర్యాలీలో భారీగా పాల్గొనండని తెలిపారు. అలాగే రోహిత్ శర్మ కూడా సోషల్ మీడియాలో పోస్ట్ చేశారు. ఈ ఆనంద క్షణాలను మేం మీ అందరితో పంచుకోవాలనుకుంటున్నాం. మెరైన్ డ్రైవ్ నుంచి మొదలుకాబోయే విక్టరీ పరేడ్‌లో కలుద్దామని ట్వీట్ చేశారు. ర్యాలీ అనంతరం బీసీసీఐ ఆధ్యర్యంలో వాంఖడేలో ఆటగాళ్లకు కోచింగ్ సిబ్బందికి సత్కారం ఏర్పాటు చేసింది. బీసీసీఐ ప్రకటించిన రూ.125 కోట్లు ప్రైజ్‌మని కూడా అందజేసే అవకాశమున్నట్లు సమాచారం.
ఇది కూడా చూడండి: PURI : పూరీ జగన్నాథ రథ యాత్రకు ప్రత్యేక రైళ్లు ఏఏ తారీఖుల్లో అంటే?
