AP Deputy CM Pawan Kalyan : ఆంధ్రప్రదేశ్‌ నూతన ఉప ముఖ్యమంత్రిగా జనసేన అధినేత పవన్ కళ్యాణ్(Pawan Kalyan) బాధ్యతలు స్వీకరించారు. బుధవారం ఉదయం విజయవాడ డిప్యూటీ సీఎం క్యాంపు కార్యాలయంలో ఆయన ఈ మేరకు అధికారికంగా బాధ్యతలు తీసుకున్నారు. తన ఛాంబర్‌లో తొలుత ప్రత్యేక పూజలు నిర్వహించారు. ఆ తర్వాత ఏపీ డిప్యూటీ సీఎంగా, గ్రామీణాభివృద్ధి, పంచాయతీ రాజ్‌, పర్యావరణ, ఆర్‌డబ్ల్యూఎస్‌, అటవీ, శాస్త్ర సాంకేతిక శాఖల మంత్రిగా ఆయన తొలిసారి బాధ్యతల్లోకి అడుగుపెట్టారు.
చదవండి : ఈ బ్యాక్టీరియా సోకితే 48 గంటల్లోనే మరణం.. వణుకుతున్న జపాన్‌
ఈ ఉదయం 10:47 నిమిషాలకు ఆయన ఇలా బాధ్యతలు తీసుకున్నారు. ప్రత్యేక పూజల అనంతరం ఆయన తన శాఖలకు సంబంధించిన పలు దస్త్రాలపై సంతకాలు చేశారు. ఈ సమయంలో ఇంద్ర కీలాద్రి వేద పండితలు ఆయనకు ఆశీర్వాదం అందించారు. అనంతరం తన శాఖలపై ఆయన సమీక్ష నిర్వహించారు. ఐఏఎస్, ఐపీఎస్ అధికారులతో భేటీ అయ్యారు.
చదవండి : ఈ నెలలో 20 శాతం తక్కువ వర్షపాతం నమోదు
మరో పక్క పవన్ కళ్యాణ్‌కు(Pawan Kalyan) భద్రతను కూడా ఏపీ ప్రభుత్వం పెంచింది. వై ప్లస్‌ సెక్యూరిటీని కేటాయించింది. బుల్లెట్‌ ప్రూఫ్‌ కారును సైతం ఏర్పాటు చేసింది. ఈ సందర్భంగా ఆయనకు పెద్ద ఎత్తున అభినందనలు వెల్లువెత్తాయి. పలు శాఖలకు సంబంధించిన అధికారులు, ప్రముఖులు, ఆయన సోదరుడు నాగబాబు సైతం ఆయనను అభినందించారు.
ఆంధ్ర ప్రదేశ్ రాష్ట్ర ఉప ముఖ్యమంత్రిగా భాద్యతలు స్వీకరించిన @PawanKalyan గారు. #PawanKalyan @JanaSenaParty pic.twitter.com/vBpaPfm5sL
— Pawanism Network (@PawanismNetwork) June 19, 2024
