Gaza Protest in Los Angeles Today : ఇజ్రాయిల్ హమాస్‌ మధ్య కాల్పుల విరమణ డిమాండ్‌కు మద్దతు కోరుతూ పలువురు ఆందోళనకారులు లాస్‌ఏంజలస్‌లో(Los Angeles) నిరసనకు దిగారు. ఈ నిరసనలు ఆస్కార్ వేదికలకు దగ్గరలో జరగడంతో తీవ్రంగా ట్రాఫిక్‌ జాంలు అయ్యాయి. అందువల్ల పలువురు ప్రముఖులు ఆస్కార్(oscar) వేడుకలకు ఆలస్యంగా హాజరయ్యారు.
చదవండి : అల్‌ ఖైదా ఉగ్రవాది మృతి!
నిరసనలపై ముందస్తు సమాచారం ఉండటంతో లాస్‌ ఏంజలస్‌ పోలీసులు అప్రమత్తం అయ్యారు. ఆ చుట్టుపక్కల ప్రాంతాలన్నింటినీ నిరంతరం తనిఖీలు చేస్తూ వచ్చారు. పటిష్ఠ బందోబస్తును ఏర్పాటు చేశారు. అయితే నిరసనకారులు ప్లకార్డులు పట్టుకుని ఉన్నట్లుండి రోడ్ల మీదికి వచ్చారు. పెద్ద ఎత్తున నినాదాలు చేశారు. దీంతో ఆ ప్రాంతంలో గందరగోళ వాతావరణం ఏర్పడింది.
చదవండి : ఆస్కార్ అవార్డుల విజేతులు వీళ్లే!
తమ నిరసనలకు మద్దతుగా నిలవాలని అక్కడికి వచ్చే ప్రముఖులను కోరారు. అయితే ఉత్తమ ఒరిజినల్‌ సాంగ్‌ విభాగంలో అవార్డు అందుకున్న బిల్లీ ఇలిష్‌, పినియాస్‌ గాజాకు మద్దతిస్తూ ప్రత్యేకమైన బ్యాడ్జీలను ధరించి ఆ వేడుకల్లో పాల్గొవడం గమనార్హం. వీరిలాగే మరి కొందరు ప్రముఖులు కూడా గాజాకు(gaza) మద్దతుగా నిలుస్తున్నట్లు తెలిపారు. అయితే ఇజ్రాయెల్‌కు అమెరికా మద్దతు కొనసాగుతుందని బైడెన్ చెప్పడంతో అమెరికాలో నిరసనలు మరింత వెల్లువెత్తుతున్నాయి.
