PM Narendra Modi visit Telangana today for Lok Sabha elections
PM Modi: ప్రధాని మోడీ(Narendra Modi) రెండు రోజుల పాటు తెలంగాణ(Telangana)లో పర్యటించనున్నారు. లోక్‌సభ ఎన్నికల(Lok sabha Elections 20214) సందర్భంగా దక్షిణాదిన పార్టీని బలోపేతం చేసే కార్యక్రమంలో భాగంగా మోడీ సుడిగాలి పర్యటనలకు శ్రీకారం చుట్టారు. దీనిలో భాగంగా మోడీ నేడు తెలంగాణకు రానున్నారు. మొదటి రోజు ఆదిలాబాద్ జిల్లా పర్యటనలో పాల్గొంటారు. ప్రధానితో పాటు తెలంగాణ ముఖ్యమంత్రి రేవంత్ రెడ్డి కలిసి పలు అభివృద్ధి పనులకు శంకుస్థాపనలు చేస్తారు. వీరితో పాటు ముగ్గురు కేంద్ర మంత్రులు, తెలంగాణ మంత్రలు కూడా పాల్గొంటారు.
చదవండి:High Court: డార్లింగ్ అని పిలిస్తే అది లైంగిక వేధింపే
ఈ పర్యటనలో భాగంగా నేడు ఎన్టీపీసీ రామగుండం రెండో యూనిట్, అంబారి-ఆదిలాబాద్ పింపల్ కుట్టి ఎలక్ట్రిఫికేషన్ ప్రాజెక్టులను ప్రధాని జాతికి అంకితం చేస్తారు. దాదాపు 43 ఏళ్ల తరువాత ఒక ప్రధాని జిల్లాలో పర్యటిస్తుండటంతో పార్టీ శ్రేణులు ఘనస్వాగతం పలికేందుకు పెద్ద ఎత్తున ఏర్పాట్లు చేశారు. రెండవ రోజు మంగళవారం ప్రధాని సంగారెడ్డిలో పర్యటించనున్నారు. మొదట బహిరంగ సభలో ప్రసంగించి, ఆ తరువాత రూ.9 వేల కోట్ల విలువైన అభివృద్ధి పనులకు శంకుస్థాపనలు చేస్తారు. హైదరాబాద్-సికింద్రాబాద్ ఎంఎంటీఎస్ ఫేజ్-2, ఘట్‌కేసర్ – లింగంపల్లి కొత్త ఎంఎంటీఎస్‌ను ప్రారంభిస్తారు. లోక్ సభ ఎన్నికలకు పార్టీ శ్రేణులకు దిశానిర్దేశం చేయనున్నారు.
చదవండి:CM KCR : రంగం లోకి దిగిన గులాబీ బాస్ కేసీఆర్.. లోక్ సభ ఎన్నికలపై కసరత్తు
