వైద్యశాస్త్రంలో మరో అద్భుతం చోటుచేసుకుంది. టెక్నాలజీ అభివృద్ధి చెందుతున్న కొద్దీ వైద్య రంగంలో విప్లవాత్మక మార్పులు వస్తున్నాయి. తాజాగా ఇద్దరు మహిళలు కలిసి ఒక మగబిడ్డకు జన్మనివ్వడం అందరికీ ఆశ్చర్యాన్ని కలిగిస్తోంది. పుట్టిన ఆ మగబిడ్డ ఇద్దరి మహిళల కడుపులోనూ పెరగడం విశేషం. ఈ అరుదైన ఘటన స్పెయిన్‌లో చోటుచేసుకుంది. మజోర్కా ప్రాంతంలోని పాల్మాలో 30 ఏళ్ల ఎస్టిఫానియా, 27 ఏళ్ల అజహారా అనే మహిళలు కలిసి జీవిస్తున్నారు.
చదవండి: Joe Biden: మరోసారి తడబడ్డ బైడెన్.. టేలర్ స్విప్ట్ బదులు బ్రిట్నీ అంటూ
ఈ మహిళలు ఇద్దరూ కలిసి ఒక మగబిడ్డకు జన్మనిచ్చారు. వారిద్దరూ స్వలింగ సంపర్కులు అయినా పిల్లలు కనాలనే ఆశ వారిలో ఉండేది. అందుకే తమ కడుపులోనే బిడ్డను మోసి కనాలని నిర్ణయించుకున్నారు. అందుకోసం ఓ ఫెర్టిలిటీ సంటర్‌ను ఆశ్రయించారు. ఫెర్టిలిటీ సెంటర్ ప్రకారంగా..ముందుగా ఎస్టిఫానియా అనే మహిళ గర్భంలో వైద్యులు వీర్యాన్ని ప్రవేశపెట్టారు. ఆమె గర్భంలో అండం, వీర్యం ఫలదీకరణం చెందేలా చేశారు.
చదవండి: Emmy అవార్డు గెలిచిన ఇండియన్ యాక్టర్, ఏ విభాగంలో అంటే..?
ఫలదీకరణం చెందిన తర్వాత 5 రోజుల తర్వాత ఆ పిండాన్ని అజహారా అనే మహిళ గర్భంలోకి వైద్యులు మార్చారు. దీంతో ఒకే బిడ్డను ఇద్దరు మహిళలు తమ కడుపులో మోసి జన్మనిచ్చారు. ఈ మొత్తం ప్రక్రియకు వారిద్దరూ సుమారు రూ.4 లక్షల వరకూ ఖర్చు పెట్టారు. ఇద్దరు మహిళలు తాము అనుకున్న ప్రకారంగానే తమ కలను సాకారం చేసుకున్నారు. బిడ్డను కడుపులో మోసే క్రమంలో ఒకరిపై మరొకరికి ఉన్న బంధం పెరిగిందని, వారి మధ్య ఉన్న ఆ బంధం మరింత బలపడిందని వెల్లడించారు.
చదవండి: Bill Gates: మురుగు కాలువలోనికి బిలియనీర్.. ఏం చేశారంటే..?
గతంలో కూడా ఇటువంటి ఘటన జరిగింది. ఇప్పుడు జరిగిన ఈ ఘటన రెండోది కావడం విశేషం. ఇటువంటి వైద్య విధానాన్ని ఇన్వోసెల్ అనే సంతానోత్పత్తి చికిత్స అని అంటారు. 2018లో అమెరికాలోని టెక్సాస్‌లో కూడా ఇద్దరు మహిళ ఈ విధానంలోనే బిడ్డను కన్నారు. అప్పట్లో వారిద్దరూ తమ ఇద్దరి కడుపులో బిడ్డను మోసిన తొలి స్వలింగ జంటగా చరిత్రకెక్కారు. స్వలింగ సంపర్కులు ఈ మధ్యకాలంలో మాతృత్వపు అనుభవాన్ని పొందేందుకు ఆసక్తి చూపుతున్నారు. వీరికి కోసం ఫెర్టిలిటీ సెంటర్లు కూడా ఇన్వోసెల్ సంతానోత్పత్తి చికిత్సను అమలు చేస్తున్నట్లు నిపుణులు చెబున్నారు. ఈ చికిత్స వల్ల బిడ్డకు ఎటువంటి ఇబ్బంది ఉండదని, సైడ్ ఎఫెక్ట్స్ అస్సలు ఉండవని అంటున్నారు.
