NGKL: శ్రీరామనవమి సందర్భంగా భద్రాచల సీతారామస్వామి కల్యాణ మహోత్సవంలో ఉపయోగించిన తలంబ్రాలు భక్తులకు ఇంటి వద్దకే అందించేందుకు TGSRTC లాజిస్టిక్ ప్రత్యేక సేవలు అందుబాటులోకి తెచ్చినట్లు నాగర్ కర్నూల్ డిపో మేనేజర్ యాదయ్య తెలిపారు. అందుకు సంబంధించిన పోస్టర్లను ఈరోజు ఆవిష్కరించారు. 9154298609 నెంబర్ను సంప్రదించి, రూ. 151 చెల్లించి బుకింగ్ చేసుకోవాలన్నారు.
NRML: కడెం మండలంలోని నర్సాపూర్ గ్రామానికి చెందిన సీడం గంగారంకు చెందిన పెంకుటిల్లు గోడ కూలడంతో పలువురికి గాయాలయ్యాయి. గోడ కులే సమయంలో ఇంట్లో ఉన్న ఆత్రం రాజు, అత్రం రవి, అత్రం వినేష్లకు గాయాలయ్యాయి. హుటాహుటీన కాలనీ వాసులు 108 అంబులెన్స్కు సమాచారం అందించడంతో సంఘటన స్థలానికి చేరుకున్న అంబులెన్స్ సిబ్బంది క్షతగాత్రులను ఆసుపత్రికి తరలించారు.
సిద్దిపేట పట్టణంలోని శ్రీమార్కండేయ స్వామి దేవాలయ ధ్వజ స్థంభ ప్రతిష్ఠాపన కార్యక్రమంలో మాజీ మంత్రి, ఎమ్మెల్యే హరీష్ రావు ముఖ్య అతిథిగా హాజరయ్యారు. ఈ సందర్భంగా ఆలయంలో ప్రత్యేక పూజలు నిర్వహించారు. అనంతరం మాట్లాడుతూ.. భక్తి ద్వారా జీవితంలో మానసిక ప్రశాంతతా లభిస్తుందన్నారు. ఈ కార్యక్రమంలో ప్రజా ప్రతినిధులు, పార్టీ నాయకులు పాల్గొన్నారు.
NLG: ఆర్టీసీ లాజిస్టిక్ ద్వారా భద్రాచలం సీతారాముల కల్యాణ తలంబ్రాలు బుక్ చేసుకోవచ్చని నల్లగొండ RM కే. జానీ రెడ్డి తెలిపారు. శుక్రవారం లాజిస్టిక్ రూపొందించిన గోడపత్రికను ఆయన అధికారులతో కలసి ఆవిష్కరించారు. ఏప్రిల్ 27న భద్రాచలంలో సీతారాముల కల్యాణం నేపథ్యంలో, ఏప్రిల్ 3 వరకు రూ. 151 చెల్లించి తలంబ్రాలు ప్యాకెట్ బుకింగ్ చేసుకోవచ్చని తెలిపారు.
VKB: కాడ్లాపూర్లో ప్రభుత్వం ప్రతిపాదించిన ఇండస్ట్రియల్ పార్కును తక్షణమే ఉపసంహరించుకోవాలని కోరుతూ రైతులు ఆర్డీవో కార్యాలయం ముందు ధర్నా నిర్వహించారు. అనంతరం ఆర్డీవోకు వినతి పత్రం అందజేశారు. తమ భూములను కాపాడుకోవడమే లక్ష్యమని రైతులు స్పష్టం చేశారు.
NRPT: ధన్వాడ(మం) కేంద్రంలోని బీసీ కాలనీ, ఎన్టీఆర్ కాలనీ, పాత హరిజనవాడ ప్రాంతాల్లో మురుగు కాలువల్లో మురుగునీరు నిలిచి దోమల బాధ ఎక్కువైందని ఆయా కాలనీవాసులు ఆవేదన వ్యక్తం చేస్తున్నారు. రోగాలు వచ్చేవరకు మురుగు కాలువలను శుభ్రం చేయరా అని ప్రశ్నిస్తున్నారు. సంబంధిత అధికారులు స్పందించి మురుగు కాలువను శుభ్రం చేయాలని కాలనీవాసులు డిమాండ్ చేస్తున్నారు.
NLG: నాగార్జున సాగర్ను జాతీయ స్థాయి పర్యాటక కేంద్రంగా తీర్చిదిద్దేందుకు ప్రభుత్వం సమగ్ర ప్రణాళిక సిద్ధం చేస్తోందని అదనపు కలెక్టర్ జెశ్రీనివాస్ తెలిపారు. కలెక్టరేట్లో పర్యాటక, అటవీ, రెవెన్యూ శాఖల అధికారులతో ఆయన సమీక్ష నిర్వహించారు. జిల్లాలో పర్యాటక అభివృద్ధి కోసం సమాచార సేకరణ ప్రారంభించినట్లు ఆయన వెల్లడించారు.
HYD: నగరంలో రోజురోజుకు ట్రాఫిక్ సమస్య ఎక్కవవుతోంది. అప్పర్ ట్యాంక్ బండ్ నుంచి డా. బీ.ఆర్ అంబేడ్కర్ విగ్రహం, లిబర్టీ వైపు వాహనాల రాకపోకలు మందగించాయి. పీక్ అవర్స్ కారణంగా ఆ మార్గంలో ట్రాఫిక్ నెమ్మదిగా కదులుతోంది. ప్రయాణికులు తమ ప్రయాణాలను ముందుగానే ప్లాన్ చేసుకోవాలని, వీలైతే ప్రత్యామ్నాయ మార్గాలను ఉపయోగించాలని ట్రాఫిక్ పోలీసులు సూచిస్తున్నారు.
MDK: వచ్చే వర్షాకాలం నాటికి ముంపు ప్రాంతాల ప్రజల సమస్యలను పరిష్కరిస్తామని రామాయంపేట మున్సిపల్ ఛైర్పర్సన్ గజవాడ లావణ్య నాగరాజు భరోసా ఇచ్చారు. ఎమ్మెల్యే రోహిత్ రావు, మాజీ ఎమ్మెల్యే మైనంపల్లి హనుమంతరావు ఆదేశాల మేరకు ప్రత్యేక బృందం డ్రైనేజీ నిర్మాణ పనులను పరిశీలించినట్లు తెలిపారు.
PDPL: ధర్మారంలో ఇవాళ నిర్వహించిన ఇంటర్మీడియట్ సంవత్సరం ఆంగ్లం పరీక్షకు 97 శాతం విద్యార్థులు హాజరైనట్లు చీఫ్ సూపరింటెండెంట్లు అనంత రామకృష్ణ, గీతా వాణి తెలిపారు. ప్రభుత్వ, సాధన జూనియర్ కళాశాలలో 539 మంది విద్యార్థులు పరీక్షకు హాజరు కావాల్సి ఉండగా, 556 మంది హాజరయ్యారు. 13 మంది విద్యార్థులు గైర్హాజరయ్యారు.
MNCL: క్యాతనపల్లి మున్సిపాలిటీలో జరిగిన దాడి ఘటన పైన మంత్రి వివేక్ వెంకటస్వామి శుక్రవారం స్పందించారు. అయన మాట్లాడుతూ.. ఉద్దేశ్య పూర్వకంగానే తమ కాన్వాయ్పై, కాంగ్రెస్ నాయకులపై, BRS నాయకులు దాడులు చేశారన్నారు. దాడుల్లో కానిస్టేబుల్, కాంగ్రెస్ కార్యకర్తకు తీవ్ర గాయాలయ్యాయన్నారు. గతంలో ఎమ్మెల్యేగా పని చేసి, ఒక MLA పైన దాడులు చేయడం సిగ్గు చేటన్నారు.
KNR: SRR కళాశాలలో జంతుశాస్త్ర విభాగ ఆధ్వర్యంలో ‘ఫ్లేవర్ ఫియస్టా’ పేరుతో విద్యార్థులు తెలంగాణ సాంప్రదాయ వంటకాలను ప్రదర్శించారు. కార్యక్రమాన్ని ప్రారంభించిన ప్రిన్సిపల్ రామకృష్ణ మాట్లాడుతూ.. ఇటువంటి ప్రదర్శనలు విద్యార్థుల్లో సృజనాత్మకతతో పాటు ఆహారపు అలవాట్లపై అవగాహన పెంచుతాయని కొనియాడారు. ఈ కార్యక్రమంలో సురేందర్ రెడ్డి, అధ్యాపకులు రాజయ్య పాల్గొన్నారు.
SRD: రోడ్డు ప్రమాదాలను తగ్గించడమే లక్ష్యంగా పోలీస్ వ్యవస్థ పనిచేస్తున్నట్లు ఎస్పీ పరితోష్ పంకజ్ అన్నారు. జహీరాబాద్ పట్టణంలో శుక్రవారం ట్రాఫిక్ సిగ్నల్స్ ప్రారంభించారు. అనంతరం ఉచిత కంటి వైద్య శిబిరం నిర్వహించారు. ఎస్పీ మాట్లాడుతూ.. రోడ్డు ప్రమాదాలను తగ్గించి ప్రజల ప్రాణాలకు రక్షణ కల్పించే లక్ష్యంతో నిర్వహిస్తున్న ప్రత్యేక కార్యక్రమమే ‘అరైవ్ అలైవ్’ అని చెప్పుకొచ్చారు.
NZB: కమ్మర్పల్లి మండలం బషీరాబాద్లో GP ఆధ్వర్యంలో శుక్రవారం ఉచిత కంటి వైద్య శిబిరం నిర్వహించారు. కంటి వైద్యుడు డాక్టర్ టి.శ్రీనివాస్ 95 మందికి కంటి పరీక్ష చేశారు. వారిలో 17 మంది బాధితులకు కంటి ఆపరేషన్లు అవసరం ఉందని గుర్తించారు. నేత్ర పరీక్షలపై నిర్లక్ష్యం చేయకుండా ఎప్పటికప్పుడు చెక్ చేసుకోవాలని సర్పంచ్ బైకని జమున మహేశ్, ఉప సర్పంచ్ భూమేశ్ సూచించారు.
ASF: పురిటి నొప్పులతో తీవ్రంగా బాధపడిన ఆవుకు 2 గంటలపైగా శ్రమించి పశు వైద్యులు మురళి ప్రసవం చేశారు. ఆసిఫాబాద్ మండలం మాణిక్ గుడాకి చెందిన రైతు కన్నెరాం ఆవు శుక్రవారం పురిటి నొప్పులతో బాధపడింది. పరిస్థితిని గమనించిన ఉప సర్పంచ్ అజయ్ పశువైద్య సిబ్బందికి సమాచారం అందించారు. 2 గంటలపైగా శ్రమించి దూడను వైద్యులు బయటకు తీయగా దూడ మృతి చెందిందని తెలిపారు.
