KMR: మాదిగల ఐక్యవేదిక ఆధ్వర్యంలో పాల్వంచ మండల కేంద్రంలో నిర్వహించిన మాదిగ అమరవీరుల సంస్మరణ సభలో మండల నాయకులు బట్ట వెంకట్రాములు, బట్టు నరేష్‌లు పాల్గొని నివాళి అర్పించారు. 30 ఏళ్ల వర్గీకరణ ఉద్యమంలో ఎంతో మంది మాదిగలు ప్రాణ త్యాగాలకు సిద్ధ పడితే, ఇటీవల కాంగ్రెస్ ప్రభుత్వం వర్గీకరణకు పచ్చ జండా ఊపిందని అన్నారు. అమరవీరుల త్యాగాలను మరువద్దని వారు కోరారు.
KMM: మధిర పట్టణానికి చెందిన మహాత్మా గాంధీ ఓల్డ్ క్లాత్ బ్యాంకు నిర్వాహకులు లంక కొండయ్య ఇటీవల పట్టణంలోని పలువురు ప్రముఖుల వద్ద నుండి సేకరించిన పాత బట్టలను, దుప్పట్లను శనివారం పట్టణంలోని అభాగ్యులకు, నిరుపేదలకు వితరణగా అందజేశారు. ఈ సందర్భంగా ఈ కార్యక్రమానికి సహకరిస్తున్న దాతలకు ప్రత్యేక కృతజ్ఞతలు తెలియజేశారు.
KMM: జిల్లాకు చెందిన ప్రముఖ విద్యావేత్త డాక్టర్ రాయప్రోలు విశ్వప్రసాద్‌‌కు హానరరీ డాక్టరేట్ అవార్డ్స్ కౌన్సిల్ (HDAC), వరల్డ్ హ్యూమన్ రైట్స్ ప్రొటెక్షన్ కమిషన్ (WHRPC) ద్వారా డాక్టరేట్ ప్రదానం చేసింది. ఈ ప్రతిష్ఠాత్మక గౌరవం విద్యా రంగంలో ఆయన విశేష సేవలకు గుర్తింపుగా ప్రదానం చేశారు. ఈ సందర్భంగా ఆయనకు పలువురు అభినందనలు తెలియజేశారు.
NRPT: ఉద్యోగ విధులు నిర్వహించే ప్రతి ఉద్యోగికి ఉద్యోగ విరమణ సహజమని ఎస్పీ యోగేష్ గౌతమ్ అన్నారు. కృష్ణ పోలీస్ స్టేషన్‌లో ఏఎస్సైగా విధులు నిర్వహించి పదవి విరమణ పొందిన కథలప్ప దంపతులను శనివారం నారాయణపేట ఎస్పీ కార్యాలయంలో పూలమాలలు వేసి శాలువాతో ఘనంగా సన్మానించారు. శేష జీవితం కుటుంబ సభ్యులతో ఆనందంగా గడపాలని అన్నారు.
SRCL: సిరిసిల్ల ఆర్టీసీ డిపో ఎదుట కాంటాక్ట్ బేసిక్ డ్రైవర్లుగా తమకు అవకాశం ఇవ్వాలని హైర్ బస్ డ్రైవర్లు శనివారం నిరసన వ్యక్తం చేశారు. గత కొన్ని సంవత్సరాల నుండి హైర్ బస్ డ్రైవర్ల పని చేస్తున్న డ్రైవర్లకు టీజీఎస్ ఆర్టిసీలో కాంట్రాక్టు బేసిక్ డ్రైవర్ల తమకు అవకాశం ఇవ్వాలని కోరారు.
HYD: SC వర్గీకరణ షమీ అక్తర్ నివేదిక శాస్త్రీయంగా లేదని, SC వర్గీకరణ గ్రూపులో కులాల చేర్పు సరిగ్గా లేదని, దీంతో కొన్ని కులాలకు అన్యాయం జరిగిందని వాటిని సవరించాలని MRPS వ్యవస్థాపక అధ్యక్షుడు మందకృష్ణ మాదిగ డిమాండ్ చేశారు. బషీర్‌బాగ్ ప్రెస్‌క్లబ్‌లో SCకులాల సదస్సు నిర్వహించారు.
HYD: GHMC కీలక నిర్ణయం తీసుకుంది. శానిటేషన్ జవాన్లపై బదిలీ వేటు వేసింది. GHMC పరిధిలో పని చేసే 139 మంది శానిటేషన్ జవాన్లను కమిషనర్ ఇలంబర్తి ట్రాన్స్‌ఫర్ చేశారు. 259 మంది శానిటేషన్ జవాన్లు ఉంటే, అందులో ఐదేళ్ల కంటే ఎక్కువ సంవత్సరాలు ఒకేచోట పనిచేసిన వారిని బదిలీ చేసినట్లు తెలిపారు.
JGL: ఎండపల్లి మండలం కొత్తపేట గ్రామంలోని మార్కండేయ స్వామి దేవాలయంలో ఏర్పాటు చేసిన సీసీ కెమెరాలను శనివారం ధర్మపురి సీఐ వెలపాటి రామ నరసింహారెడ్డి ప్రారంభించారు. ఇదేవిధంగా గ్రామంలో అన్ని దేవాలయాల్లో గ్రామ మూలమలుపుల వద్ద సీసీ కెమెరాలు ఏర్పాటు చేసుకోవాలని సీఐ హితవు పలికారు. సీఐ వెంట వెల్గటూరు ఎస్సై రాపల్లి ఉమా సాగర్, పాల్గొన్నారు.
KMM: రఘునాథపాలెం మండలం మంచుకొండ గ్రామంలోని లిఫ్ట్ ఇరిగేషన్ ప్రాజెక్టు పనులను వ్యవసాయ శాఖ మంత్రి తుమ్మల నాగేశ్వరరావు ఈరోజు సంబంధిత అధికారులతో కలిసి పరిశీలించారు. వీలైనంత త్వరగా పైప్‌లైన్ పనులను పూర్తి చేసి రఘునాథపాలెం చెరువుకు నీళ్లు అందించాలని మంత్రి అధికారులను ఆదేశించారు. కార్యక్రమంలో కాంగ్రెస్ నేతలు, తదితరులున్నారు.
BDK: కొత్తగూడెం సింగరేణి కార్మికులు ఎదుర్కొంటున్న సమస్యలపై శనివారం పీవీకే-5 గనిలో జిల్లా న్యాయ సేవాధికార సంస్థ కార్యదర్శి జీ. భానుమతి న్యాయ చైతన్య సదస్సు నిర్వహించారు. బొగ్గు ఉత్పత్తి, రక్షణ వివరాలు కార్మికులను అడిగి తెలుసుకున్నారు. పని ప్రదేశాలలో ఎటువంటి సమస్యలు ఉన్నా తన దృష్టికి తీసుకురావాలని అన్నారు. న్యాయ సహాయం అందుబాటులో ఉంటదని భరోసా ఇచ్చారు.
NZB: ఇజ్రాయెల్లో తెలంగాణ అసోసియేషన్ 11వ సంవత్సర ఆవిర్భావ వేడుకలను ఘనంగా నిర్వహించారు. ఈ సందర్భంగా రామాత్‌ఘాన్‌లో కేక్ కట్ చేసిసంబురాలు నిర్వహించారు. కొందరితో ఏర్పాటు అయిన అసోసియేషన్ దాదాపు వెయ్యి మంది సభ్యులుగా అవతరించింది. ఇజ్రాయెల్లో ఉంటున్న తెలంగాణ ప్రజల సమస్యలు తీర్చడానికి సంస్థ ఏర్పాటైంది. ప్రతి ఏటా ఎన్నికలు నిర్వహించి అధ్యక్షుడిని ఎన్నుకుంటారన్నారు.
HYD: ఎమ్మెల్సీ తీన్మార్ మల్లన్నకు బిగ్ షాక్ తగిలింది. ఆయనను పార్టీ నుంచి సస్పెండ్ చేస్తున్నట్లు కాంగ్రెస్ ప్రకటించింది. తెలంగాణ ప్రభుత్వం ప్రతిష్టాత్మకంగా చేపట్టిన కులగణన సర్వేపై ఆయన తీవ్ర విమర్శలు చేేశారు. దీంతో కాంగ్రెస్ పార్టీ ఆయనపై క్రమశిక్షణా చర్యలు తీసుకుంది. సస్పెన్ష్‌పై మల్లన్న స్పందించాల్సి ఉంది.
KMR: దోమకొండ మండలం సంగమేశ్వర్ ఆరోగ్య ఉప కేంద్రాన్ని శనివారం ఆరోగ్య పర్యవేక్షకురాలు ప్రభావతి సందర్శించారు. చిన్నపిల్లలకు ఇస్తున్న టీకాలపై సిబ్బందిని అడిగి తెలుసుకున్నారు. రికార్డులు పరిశీలించి పలు సూచనలు చేశారు. అనంతరం గర్భిణీలు తీసుకోవాల్సిన జాగ్రత్తలు, ఆరోగ్య సంరక్షణకు వాడాల్సిన మందులు, పౌష్టికాహారంపై అవగాహన కల్పించారు.
KMM: ముదిగొండ మండల పరిధిలోని పలు గ్రామాలలో ఇటీవల బీఆర్ఎస్ పార్టీ సభ్యత్వం కలిగి ఉండి ప్రమాదవశాత్తూ మరణించిన వ్యక్తుల కుటుంబాలకు శనివారం ఖమ్మం మాజీ జిల్లా పరిషత్ ఛైర్మన్, మధిర నియోజకవర్గ బీఆర్ఎస్ పార్టీ ఇంఛార్జ్ లింగాల కమల్ రాజు చేతుల మీదుగా 2 లక్షల రూపాయల ఇన్సూరెన్స్ చెక్కులను అందజేశారు.
KMM: మధిర మున్సిపాలిటీ పరిధిలోని పలు వార్డులలో కొన్ని రోజులుగా మునిసిపాలిటీ సిబ్బంది రాకపోవడంతో రోడ్డు పక్కనే చెత్తాచెదారం పేరుకుపోయి. ఈ చెత్త కుప్పలు పందులకు ఆవాసంగా మారి స్థానికులు తీవ్ర ఇబ్బందులు పడుతున్నామని వాపోతున్నారు. తక్షణమే సంబంధిత మున్సిపల్ అధికారులు స్పందించి ఈ విషయంపై తగు చర్యలు చేపట్టాలని కోరుతున్నారు.
