తెలంగాణ మంత్రి సత్యవతి (Minister Satyavathy) రాథోడ్‌పై కేసు నమోదైంది. ఇటీవల మహబూబాబాద్ బీఆర్ఎస్ అభ్యర్థి శంకర్ నాయక్ తరపున కొంగరగిద్ద గ్రామంలో మంత్రి ప్రచారం నిర్వహించారు. ఈ క్రమంలో మహిళ కార్యకర్తలు హారతి ఇవ్వగా ఆ పళ్లెంలో ఆమె 4 వేలు రూపాయలు వేశారు. ఓటర్లను ప్రలోభపెట్టేందుకే డబ్బులిచ్చారని ఎఫ్ఎస్‌టీ బృందం (FST team) మంత్రిపై ఫిర్యాదు చేసింది. రాష్ట్రంలో ఎన్నికల వేడి రాజుకుంది. అన్ని నియోజకవర్గాల్లో ప్రచారం జోరందుకుంది. అయితే ప్రచారం చేస్తుండగా మంత్రి సత్యవతి రాథోడ్ చేసిన ఓ పని ఆమెను చిక్కుల్లో పడేసింది.ఎన్నికల నియమావళిని ఉల్లఘించారంటూ మంత్రిపై కేసు ఫైల్ (Case file) అయ్యింది. మంత్రి రాథోడ్‌పై ఎన్నికల నిబంధన ఉల్లంఘన కింద 171-ఈ,171-హెచ్ ఐపీసీ ఆర్/డబ్ల్యూ 188 ఐఓసీ సెక్షన్ల కింద గూడూరు పోలీసులు కేసు నమోదు చేశారు.
చదవండి : Kathi Karthika : బీఆర్ఎస్ పార్టీలో చేరిన కాంగ్రెస్ నేత కత్తి కార్తీక
