రాష్ట్రపతి ద్రౌపది ముర్ము (Draupadi Murmu) హైదరాబాద్ చేరుకున్నారు. ఢిల్లీ నుండి బేగంపేట (Begumpet) విమానాశ్రయానికి చేరుకున్న రాష్ట్రపతికి తెలంగాణ గవర్నర్ తమిళసై,(Tamilsai) సీఎం కేసీఆర్ స్వాగతం పలికారు. శనివారం ఉదయం దుండిగల్ ఎయిర్ ఫోర్స్ అకాడమీలో జరగనున్న కంబైన్డ్ గ్రాడ్యుయేషన్ పరేడ్ కు హాజరవుతారు. ద్రౌపది ముర్ము విమానాశ్రయం నుంచి నేరుగా రాజ్‌భవన్‌కు చేరుకొని, రాత్రికి అక్కడే బస చేస్తారు.
చదవండి : ఏపీలో విషాదం..అంత్యక్రియలకు వచ్చి ముగ్గురు మృతి
కేంద్రమంత్రి కిషన్ రెడ్డి(Kishan Reddy),మంత్రులు మ‌హ‌ముద్ అలీ, స‌బితా ఇంద్రారెడ్డి, స‌త్య‌వ‌తి రాథోడ్, మ‌ల్లారెడ్డి, త‌ల‌సాని శ్రీనివాస్ యాద‌వ్, జీహెచ్ఎంసీ మేయ‌ర్ గ‌ద్వాల్ విజ‌య‌ల‌క్ష్మి,ప‌లువురు రాష్ట్రపతికి స్వాగతం పలికారు. గత కొంత కాలంగా గవర్నర్, సీఎం కేసీఆర్ ఎక్కడ ఎదురు పడలేదు. గవర్నర్ హాజరయ్యే మీటింగ్‌లకు సీఎం డుమ్మా కొట్టడం లేదా.. గవర్నర్‌ను ఈ కార్యక్రమాలకు ఆహ్వనించకపోవడం వంటివి జరుగుతోన్న క్రమంలో.. శుక్రవారం మాత్రం రాష్ట్రపతి (President)ద్రౌపదీ ముర్ముకు స్వాగతం పలికేందుకు కేసీఆర్, తమిళి సై హాజరవ్వడం విశేషం.
చదవండి : ఎన్నికలు వచ్చేస్తున్నాయ్..రేస్‌లో ఉంటామని ఎవరికి ధీమా వారిదే
