Current Shock : స్విమ్మింగ్‌ పూల్‌లో దిగిన పలువురికి కరెంట్‌ షాక్‌ కొట్టింది. ఈ ఘటనలో మొత్తం 16 మందికి గాయాలు అయ్యాయి. ఈ ఘటన హైదరాబాద్‌,(HYDERABAD) పహడి షరీఫ్ పోలీస్‌ స్టేషన్‌ పరిధిలో చోటు చేసుకుంది. జల్పల్లి ప్రాంతంలో ఉన్న ఓ ఫాంహౌస్‌లో స్విమ్మింగ్‌ పూల్‌ ఉంది. ఓ కుటుంబం సరదాగా గడిపేందుకని ఆ ఫాం హౌస్‌కి వెళ్లారు. స్విమ్మింగ్‌ పూల్‌లోకి(SWIMMING POOL) దిగారు. అంతా సరదాగా స్నానాలు చేస్తున్నారు. ఆనందంగా గడుపుతున్నారు. అలాంటి సమయంలో ఉన్నట్లుండి స్విమ్మింగ్‌ పూల్‌లోకి కరెంటు సరఫరా అయ్యింది. దీంతో వారందరికీ షాక్‌(ELECTRIC SHOCK) తగిలింది. ఈత కొడుతున్న సమయంలో కరెంటు సరఫరా కావడంతో అందరూ షాక్‌ బారిన పడ్డారు.
చదవండి : నేడే అనంత్ అంబానీ, రాధిక మర్చంట్ ల వివాహం.. ముహూర్తం ఎప్పుడో తెలుసా ?
ఈ ప్రమాదంలో మొత్తం 16 మందికి గాయాలు అయ్యాయి. ఇద్దరి పరిస్థితి మాత్రం విషమంగా ఉంది. ఫర్వేజ్‌, ఇలియజ్‌ అనే ఇద్దరి పరిస్థితి విషమించడంతో వారిని హుటాహుటిన ఓ ప్రైవేట్‌ ఆసుపత్రికి తరలించారు. అయితే ఈ విషయమై ఎవరూ ఇంత వరకు పోలీసులకు సమాచారం ఇవ్వలేదు. ఫిర్యాదు కూడా చెయ్యలేదు. దీంతో పోలీసులు కూడా తమకు ఈ సంఘటన గురించి ఎవరూ ఫిర్యాదు ఇవ్వలేదని చెబుతున్నారు. ప్రమాదానికి గల పూర్తి కారణాలు ఇంకా తెలియాల్సి ఉంది. అసలు స్విమ్మింగ్‌ పూల్‌లోకి ఉన్నట్లుండి కరెంటు(CURRENT) ఎలా పాస్‌ అయ్యిందనే విషయంలో స్పష్టత రావాల్సి ఉంది.
చదవండి : నేటి రాశిఫలాలు(2024 July 12th).. రుణప్రయత్నాలు తొందరగా ఫలిస్తాయి
