Koneru Konappa: బీఆర్ఎస్ బీఎస్పీ పొత్తు.. పార్టీ వీడనున్న కోనేరు కోనప్ప

BRS BSP alliance.. Koneru Konappa to leave the party

Koneru Konappa: తెలంగాణ రాజకీయాల్లో కొత్త పొత్తు పుట్టుకొచ్చింది. అసెంబ్లీ ఎన్నికల్లో ఓడి ప్రతిపక్షంలో ఉన్న బీఆర్ఎస్(BRS) పార్టీతో బీఎస్పీ(BSP) పార్టీ పొత్తు కుదుర్చుకుంది. మరి కొన్ని రోజుల్లో పార్లమెంటు ఎన్నికల నోటిఫికేషన్ రాబోతున్న విషయం తెలిసిందే. ఈ నేపథ్యంలో అధికారంలో ఉన్న కాంగ్రెస్(Congress) పార్టీకి మొగ్గుచూపుతున్నారు పలువురు బీఆర్ఎస్ పార్టీ నేతలు. ఇప్పటికే ఇద్దరు ఎంపీలు పార్టీని వీడారు. పలువురు ఎమ్మెల్యేలు పార్టీని వీడేందుకు సిద్ధంగా ఉన్నారంటూ ప్రచారం జరుగుతుంది. ఈ నేపథ్యంలో బీఎస్పీ పార్టీతో పొత్తు బీఆర్ఎస్ మరో నేతను కోల్పోవడానికి కారణం అయిందని తెలుస్తుంది. సిర్పూర్ మాజీ ఎమ్మెల్యే కోనేరు కోనప్ప పార్టీకి రాజీనామా చేయడానికి సిద్ధం అయినట్లు సమాచారం.

చదవండి:Revanth Reddy : రేవంత్‌ రెడ్డికి గుడి కడుతున్న అభిమానులు

బీఎస్పీ పార్టీతో అలెన్స్‌ను వ్యతిరేకిస్తున్న కోనేరు కోనప్ప పార్టీకి రాజీనామా చేసీ ఈ నెల 12, లేదా 15న కాంగ్రెస్‌లోకి చేరనున్నట్టు తెలుస్తోంది. గత అసెంబ్లీ ఎన్నికల్లో కోనేరుపై బీఎస్పీ రాష్ట్ర అధ్యక్షుడు ప్రవీణ్‌కుమార్ పోటీ చేశారు. వీరిద్దరు కాకుండా అక్కడ బీజేపీ అభ్యర్థి పాల్వై హరీష్ బాబు గెలిచాడు. ఈ పోత్తు వలన పార్లమెంట్ ఎన్నికలకు ఆయనతో కలిసి నడవాలని బీఆర్ఎస్ చీఫ్ కేసీఆర్ నిర్ణయించుకోవడంపై కోనేరు అసంతృప్తి వ్యక్తం చేశారు. కేసీఆర్ అంటే చాలా గౌరవం ఉందని, పొత్తువిషయమై తనతో ఒక్క మాట కూడా చెప్పలేదని కోనప్ప ఆగ్రహంగా ఉన్నట్లు తెలుస్తుంది. ఈ మేరకు పార్టీ వీడాలని నిర్ణయించుకున్నట్లు అందుకే కార్యకర్తలతో నిన్న రహస్యంగా సమావేశమయ్యారు. త్వరలోనే హస్తం గూటికి వెళ్లనున్నట్లు తెలుస్తుంది.

చదవండి:Hand Transplantation: పెయింటర్‌కు రెండు చేతుల్ని సర్జరీ చేసిన వైద్యులు