తెలంగాణ ఎమ్మెల్యే ఆశన్నగారి జీవన్ రెడ్డికి (Jeevan Reddy) త్రుటిలో ప్రమాదం తప్పింది. ఓ ప్రజాప్రతినిధి కారు వేగంగా వచ్చి ఎమ్మెల్యే ప్రయాణిస్తున్న కారును (Car) ఢీకొట్టింది. ఈ ప్రమాదం నుంచి ఎమ్మెల్యే సురక్షితంగా (Safely) బయటపడగా.. ఢీకొట్టిన కారులోని ప్రజాప్రతినిధికి తీవ్ర గాయాలయ్యాయి. ఈ సంఘటన నిజామాబాద్ జిల్లాలో (Nizamabad District) చోటుచేసుకుంది. వివరాలు ఇలా ఉన్నాయి.
చదవండి: CM KCR గుడ్ న్యూస్.. విప్రహిత ప్రారంభోత్సవ వేళ బ్రాహ్మణులపై వరాల జల్లు
నిజామాబాద్ జిల్లా ఆర్మూర్ (Armoor) ఎమ్మెల్యే, బీఆర్ఎస్ జిల్లా అధ్యక్షుడు జీవన్ రెడ్డి బుధవారం అభివృద్ధి పనుల ప్రారంభోత్సవం, పార్టీ కార్యక్రమాలకు వెళ్తున్నాడు. ఈ క్రమంలో ఆర్మూర్ మున్సిపల్ పరిధిలోని పెర్కిట్ (Perkit) రహదారిపైకి రాగానే కౌన్సిలర్ గంగా మోహన్ చక్రు కారు వేగంగా ఎమ్మెల్యే కారును ఢీకొట్టింది. అయితే ఎమ్మెల్యేకు గాయాలేమీ కాలేదు. సురక్షితంగా బయటపడడంతో అందరూ పీల్చుకున్నారు. కాగా, ఢీకొట్టిన కారులో ఎయిర్ బ్యాగ్ (Air Bags)లు తెరచుకోవడంతో కౌన్సిలర్ కూడా క్షేమంగా బయటపడ్డారు. కానీ గాయాలయ్యాయి. వైస్ చైర్మన్ మున్నా భాయ్ కు కూడా దెబ్బలు తగిలాయి.
చదవండి: యువకుల వెర్రి: కదులుతున్న కారుపై పుషప్స్.. తాగి రచ్చరచ్చ
వెంటనే ఎమ్మెల్యే జీవన్ రెడ్డి వారి పరిస్థితి తెలుసుకున్నారు. చికిత్స నిమిత్తం వారిని నిజామాబాద్ లోని ఆస్పత్రికి (Nizamabad Hospital) తరలించారు. అనంతరం యథావిధిగా తన కార్యక్రమాల్లో ఎమ్మెల్యే పాల్గొన్నారు. గత మార్చి నెలలో కూడా జీవన్ రెడ్డి ప్రమాదానికి గురయ్యారు. ఎమ్మెల్సీ కల్వకుంట్ల కవిత (Kavitha) పర్యటన సమయంలో సంఘటన చోటుచేసుకుంది. రెండు నెలల తర్వాత మరోసారి ఎమ్మెల్యే ప్రమాదానికి గురయ్యారు.
చదవండి: Tihar Jailలో పెట్టినా ఎమ్మెల్యేగా గెలుస్తా.. భూమా అఖిలప్రియ సంచలన వ్యాఖ్యలు..
