Special buses for IPL match at Uppal Stadium
SRH vs MI: ఉప్ప‌ల్ స్టేడియం వేదిక‌గా మార్చి 27న ఐపీఎల్ మ్యాచ్ జరగనుంది. ఈ మ్యాచ్‌లో స‌న్‌రైజ‌ర్స్‌ జట్టుతో ముంబై ఇండియన్స్ త‌ల‌ప‌డ‌నుంది. ఈ మ్యాచ్ చూసేందుకు వచ్చే క్రికెట్ అభిమానులకు తెలంగాణ ఆర్టీటీ తీపి కబురు చెప్పంది. స్టేడియం చేరేందుకు అనువుగా ఏకంగా 60 బస్సులను ఏర్పాటు చేసింది. ఉప్ప‌ల్ క్రికెట్ స్టేడియంలో సన్ రైజర్స్ హైదరాబాద్-ముంబై ఇండియన్స్ మధ్య IPL మ్యాచ్ జరగనున్న నేపథ్యంలో TSRTC ప్రత్యేక బస్సులను ఏర్పాటు చేసింది. క్రికెట్ అభిమానుల సౌకర్యార్థం హైదరాబాద్ లోని వివిధ ప్రాంతాల నుంచి స్టేడియానికి 60 స్పెషల్ బస్సులను న‌డుపుతోంది. మార్చి 27వ తేదీ సాయంత్రం 6 గంటలకు ప్రారంభ‌మై.. తిరిగి రాత్రి 11:30 గంటలకు స్టేడియం నుంచి ఈ బస్సులు బ‌య‌లుదేరుతాయి. ఈ ప్రత్యేక బస్సులను వినియోగించుకుని మ్యాచ్ ను వీక్షించాల‌ని టీఎస్ఆర్టీసీ యాజమాన్యం క్రికెట్ అభిమానుల‌ను కోరుతోంది.
చదవండి:Dinesh Karthik: దినేష్ కార్తీక్ అరుదైన రికార్డు
ఐపీఎల్ మ్యాచ్ కోసం ప్రత్యేకంగా బస్సులను ఏర్పాటు చేస్తున్నట్లు తెలంగాణ ఆర్టీసీ ఎండీ వీసీ సజ్జనార్‌ వెల్లడించారు. ఏ ఏ ప్రాంతాల నుంచి బస్సు సౌకర్యం అందిస్తున్నామనే విషయాన్ని కూడా క్లియర్‌గా వెల్లడించారు. ముంబై ఇండియన్స్, హైదరాబాద్ సన్ రైజర్స్ త‌మ తొలి మ్యాచుల్లో ఓట‌మి చవిచూశాయి. తొలిసారి కెప్టెన్సీ ప‌గ్గాలు చేపట్టిన హార్దిక్ పాండ్యాకు మొద‌టి మ్యాచులోనే ప‌రాజ‌యం ఎదురైంది. గుజ‌రాత్ చేతిలో ముంబై గెలుపు ముంగిట వ‌ర‌కు వ‌చ్చి ఓడిపోవ‌డం అభిమానుల‌ను తీవ్ర నిరాశ‌కు గురి చేసింది. అటు హైదరాబాద్ జట్టు కూడా ఈ సీజ‌న్‌లో ఆడిన తొలి మ్యాచులో ప‌రాజ‌యం పాలైంది. హైదరాబాద్ జ‌ట్టును మొద‌టి మ్యాచులో కోల్‌క‌తా నైట్ రైడ‌ర్స్ మ‌ట్టిక‌రిపించింది. చివ‌ర‌లో కెప్టెన్ పాట్ క‌మిన్స్ ఒక భారీ షాట్ ఆడ‌క‌పోవ‌డంతో ప‌రాభవం త‌ప్ప‌లేదు. ఇలా రెండు జట్లు త‌మ తొలి మ్యాచుల్లో ఓట‌మితో ఈ సీజ‌న్‌ను ప్రారంభించాయి. దాంతో త‌మ త‌ర్వాతి మ్యాచులో ఎలాగైనా గెల‌వాల‌నే క‌సితో ఇరు జట్లు బ‌రిలోకి దిగ‌బోతున్నాయి.
చదవండి:Virat Kohli: ఒకే ఒక్కడు.. చరిత్ర సృష్టించిన కోహ్లీ
