India vs Bangladesh: Date, Time, Venue, Team News, Live Streaming And More About 16th World Cup 2023 Match
India vs Bangladesh: ప్రస్తుతం జరుగుతున్న ICC ప్రపంచ కప్ 2023(World Cup 2023)లో టీం ఇండియా తన నాల్గవ మ్యాచ్‌లో బంగ్లాదేశ్‌తో రేపు తలపడనుంది. రోహిత్ శర్మ(Rohit Sharma) కెప్టెన్సీలో అహ్మదాబాద్‌ వేదికగా చిరకాల ప్రత్యర్థి పాకిస్థాన్‌ను భారత్ ఇప్పటికే చిత్తుగా ఓడించింది. ప్రస్తుతం ICC క్రికెట్ ప్రపంచ కప్ 2023 పాయింట్ల పట్టికలో మూడు మ్యాచ్‌లలో మూడు విజయాలు సాధించి ఇండియా మొదటిస్థానంలో ఉంది. ఇక పాకిస్థాన్ ఆట గెలిచిన భారత్ నాలుగు రోజుల విరామం దొరికింది. దీంతో ఆటగాల్లకు ప్రాక్టీస్ చేసే సమయం దొరికింది.
మరోవైపు బంగ్లాదేశ్(Bangladesh) మూడు మ్యాచ్‌ల్లో సోలో విజయంతో పాయింట్ల పట్టికలో ఏడో స్థానంలో ఉంది. గత వారం బంగ్లాదేశ్ అసిస్టెంట్ కోచ్ నిక్ పోథాస్ భారతదేశాన్ని ప్రపంచంలోనే అత్యుత్తమ జట్టుగా కితాబుచ్చాడు. ప్రస్తుత క్రికెట్ ప్రపంచ కప్‌లో ఆతిథ్య జట్టుపై నైపుణ్యాలను పరీక్షించుకోవడానికి ఇది ఒక గొప్ప అవకాశమని పేర్కొన్నాడు. కీలకమైన భారత పోరుకు ముందు బంగ్లాదేశ్ ఏవిధంగా సిద్ధం అవుతుందో వివరించాడు. తమకు మంచి విశ్రాంతి ఉందని తెలిపాడు. చాలా మంది ఎక్కువ ప్రాక్టీస్ అవసరం అని పొరపడుతుంటారు కానీ రెస్ట్ చాలా అవసరం అని పేర్కొన్నాడు. భారత్‌తో ఆడేందుకు సన్నద్ధమవుతున్న ఆటగాళ్లకు మంచి మానసిక, శారీరక విశ్రాంతిని అందిస్తామని నిక్ పోథాస్ అన్నారు.
అక్టోబర్ 19న గురువారం మధ్యాహ్యం 2 గంటలకు పూణేలోని ఎంసీఏ స్టేడియంలో ఇండియా, బంగ్లాదేశ్ జట్లు తలపడనున్నాయి. ఇప్పటివరకు వరల్డ్ కప్ మ్యాచ్‌లో ఈ రెండు జట్లు 40 సార్లు పోటీపడగా 31 సార్లు ఇండియా గెలించింది. 8 సార్లు బంగ్లాదేశ్ నెగ్గింది. ఒకసారి డ్రాగా ముగిసింది. ఇక మ్యాచ్ ప్రసార విషయానికి వస్తే.. టీవీ అయితే స్టార్ స్పోర్ట్స్, అదే మొబైల్ అయితే డిస్నీ ప్లస్ హాట్ స్టార్‌లో చూడొచ్చు.
భారత ఆటగాళ్లలో రోహిత్ శర్మ (సి), హార్దిక్ పాండ్యా (విసి), శుభమన్ గిల్, విరాట్ కోహ్లీ, శ్రేయాస్ అయ్యర్, కెఎల్ రాహుల్, రవీంద్ర జడేజా, శార్దూల్ ఠాకూర్, జస్ప్రీత్ బుమ్రా, మహ్మద్ సిరాజ్, కుల్దీప్ యాదవ్, మహ్మద్ షమీ, రవిచంద్రన్ అశ్విన్, ఇషాన్ కిషన్, సూర్యకుమార్ యాదవ్ ఉన్నారు.
బంగ్లాదేశ్ ఆటగాళ్లలో షకీబ్ అల్ హసన్ (సి), లిట్టన్ కుమార్ దాస్, తాంజిద్ హసన్ తమీమ్, నజ్ముల్ హుస్సేన్ శాంటో (విసి), తౌహిద్ హృదయ్, ముష్ఫికర్ రహీమ్, మహ్మదుల్లా రియాద్, మెహిదీ హసన్ మిరాజ్, నసుమ్ అహ్మద్, షక్ మహేదీ హసన్, ముస్కిన్ అహ్మద్, తస్కిన్ అహ్మద్ , షోరీఫుల్ ఇస్లాం, తంజిమ్ హసన్ సాకిబ్ ఉన్నారు.
