మహిళల టీ20 ప్రపంచ కప్(T20 world cup) సెమీ ఫైనల్లో భారత్ పోరాడి ఓడింది. మ్యాచ్ లో భాగంగా ఆస్ట్రేలియా తొలుత బ్యాటింగ్ చేపట్టింది. నిర్ణీత 20 ఓవర్లలో ఆసీస్ 4 వికెట్ల నష్టానికి 172 పరుగులు చేసింది. కేప్ టౌన్ లో జరుగుతున్న ఈ మ్యాచ్ లో ఆస్ట్రేలియా భారీ స్కోర్ నమోదు చేసింది. ఆసీస్ ఓపెనర్ బెత్ మూనీ 54, కెప్టెన్ మెగ్ లానింగ్ 49, ఆష్లే గార్డనర్ 31, అలీసా హీలా 25 రన్స్ చేసి ఆసీస్ స్కోర్ ను ముందుకు నడిపించారు.
చదవండి: Kapil Dev: రోహిత్ ఫిట్ నెస్ పైన దృష్టి సారించాలి
ఆస్ట్రేలియా బ్యాటర్ల వద్ద భారత బౌలర్లు విఫలమయ్యారు. టీమిండియా(Team India) బౌలర్లు అయిన శిఖా పాండే 2 వికెట్లు పడగొట్టింది. ఇకపోతే దీప్తి శర్మ, రాధా యాదవ్ చెరో వికెట్ తమ ఖాతాలో వేసుకున్నారు. ఇకపోతే 173 పరుగుల టార్గెట్ తో బరిలోకి దిగిన టీమిండియా(Team India) ఆరంభంలోనే కష్టాలపాలైంది.
చదవండి: Breaking: ఉమేశ్ యాదవ్ ఇంట్లో తీవ్ర విషాదం
టీమిండియా(Team India) 28 పరుగులకే 3 వికెట్లు నష్టపోయింది. ఓపెనర్లు నిరాశ పరిచారు. స్మృతి మంధాన 2, షెఫాలీ వర్మ 9 పరుగులకే పెవిలియన్ బాట పట్టారు. వన్ డౌన్ లో వచ్చిన యస్తికా భాటియా 4 రన్స్ చేసి రనౌట్ తో వెనుదిరిగింది. ఇకపోతే కెప్టెన్ హర్మన్ ప్రీత్ కౌర్ 52, జెమీమా రోడ్రిగ్స్ 43 పరుగులతో స్కోర్ బోర్డును ముందుకు నడిపారు. చివరి 18 బాల్స్ మధ్యే మ్యాచ్ టర్న్ తిరిగింది. ఆ మూడు ఓవర్లలో వరుస వికెట్లను భారత్(Team India) కోల్పోయింది. చివరికి 8 వికెట్ల నష్టానికి 167 పరుగులు మాత్రమే చేయగలిగింది.
