TS Genco Exam : తెలంగాణ జెన్ కో అక్టోబర్ నెలలో అసిస్టెంట్ ఇంజనీర్, కెమిస్ట్ పోస్టుల భర్తీకి నోటిఫికేషన్ విడుదల చేసింది. ఈ పోస్టుల భర్తీకి డిసెంబర్ 17న రాత పరీక్ష నిర్వహించాలని నిర్ణయించారు. అయితే తాజాగా జెన్ కో ఈ పరీక్షను వాయిదా వేసింది. జెన్ కో నిర్వహించే రాత పరీక్షను వాయిదా వేయాలని పలువురు అభ్యర్థులు డిప్యూటీ సీఎం భట్టి విక్రమార్కను అభ్యర్థించారు. అదే తేదీన మరికొన్ని పోటీ పరీక్షలు ఉన్నాయి. అభ్యర్థుల కోరిక మేరకు ఈ రాత పరీక్షను వాయిదా వేసేందుకు ప్రభుత్వం అంగీకరించింది. దీంతో ఈ నెల 17న జరగాల్సిన రాత పరీక్షను తెలంగాణ జెన్ కో వాయిదా వేసింది. ఈ పరీక్ష తదుపరి షెడ్యూల్‌ను www.tsgenco.co.in వెబ్‌సైట్‌లో ప్రకటిస్తామని ఒక ప్రకటనలో తెలిపింది.
చదవండి :Uttar Pradesh: ఆ ఉత్తర్వులు వెనక్కి తీసుకున్న యోగి సర్కార్
తెలంగాణ జెన్‌కో 339 అసిస్టెంట్ ఇంజనీర్, 60 కెమిస్ట్ పోస్టుల భర్తీకి అక్టోబర్ 5న నోటిఫికేషన్ విడుదల చేసింది. అభ్యర్థుల నుంచి అక్టోబరు 7 నుంచి నవంబర్ 10 వరకు దరఖాస్తులు స్వీకరించారు. అభ్యర్థులు నవంబర్ 14, 15 తేదీల్లో తమ దరఖాస్తులను సరి చేసుకునేందుకు అవకాశం కల్పించారు. రాత పరీక్షను డిసెంబర్ 17న నిర్వహిస్తామని జెన్ కో ప్రకటించింది. తెలంగాణలో కొత్తగా నిర్మిస్తున్న యాదాద్రి, భద్రాద్రి పవర్ స్టేషన్ల నిర్వహణతోపాటు పాత పవర్ స్టేషన్లలో ఈ పోస్టులను భర్తీ చేయనున్నారు. ఏఈ ఉద్యోగాల విషయానికొస్తే, లిమిటెడ్ రిక్రూట్‌మెంట్ కింద 94 పోస్టులు, డైరెక్ట్ రిక్రూట్‌మెంట్ కింద 245 పోస్టులను భర్తీ చేయనున్నట్లు జెన్ కో తెలిపింది.
చదవండి :TSPSC:టీఎస్పీఎస్సీ సభ్యుడు సత్యనారాయణ రాజీనామా
ఎంపిక విధానం
పరీక్ష విధానం – రాత పరీక్ష మొత్తం 100 మార్కులకు నిర్వహించబడుతుంది. పరీక్షలో రెండు విభాగాల నుంచి 100 ప్రశ్నలు అడుగుతారు. ప్రతి ప్రశ్నకు ఒక మార్కు ఉంటుంది.
జీతం – రూ.65,600 – రూ.1,31,220 (RPS-2022).
హాల్ టిక్కెట్లు: పరీక్షకు 7 రోజుల ముందు
అధికారిక వెబ్‌సైట్ – https://tsgenco.co.in/TSGENCO/home.do
