TPT: తిరుపతిలో ఏపీ స్కిల్ డెవలప్మెంట్ కార్పొరేషన్, ఏపీఎస్పీడీసీఎల్ సంయుక్త ఆధ్వర్యంలో బుధవారం ఉద్యోగ మేళా నిర్వహిస్తున్నట్లు సంస్థ సీఎండీ శివశంకర్ ఒక ప్రకటనలో తెలిపారు. పది, ఇంటర్, డిగ్రీ, ఐటీఐ, బీటెక్ చదివిన వారు మేళాకు హాజరు కావాలని సూచించారు. నిరుద్యోగులు ఈ అవకాశాన్ని సద్వినియోగం చేసుకోవాలని ఆయన కోరారు.
TPT: తిరుపతిలో ఏపీ స్కిల్ డెవలప్మెంట్ కార్పొరేషన్, ఏపీఎస్పీడీసీఎల్ సంయుక్త ఆధ్వర్యంలో బుధవారం జాబ్ మేళా నిర్వహిస్తున్నట్లు సంస్థ సీఎండీ శివశంకర్ ఒక ప్రకటనలో తెలిపారు. పది, ఇంటర్, డిగ్రీ, ఐటీఐ, బీటెక్ చదివిన వారు మేళాకు హాజరు కావాలని సూచించారు. నిరుద్యోగులు ఈ అవకాశాన్ని సద్వినియోగం చేసుకోవాలని ఆయన కోరారు.
NDL: కారులో ప్రయాణించేవారు సీటుబెల్టు, ద్విచక్ర వాహనదారులు తప్పనిసరిగా హెల్మెట్ ధరించాలని ఆత్మకూరు సీఐ మహేశ్వర్ రెడ్డి పేర్కొన్నారు. పట్టణ శివారులో వాహనాల తనిఖీలు నిర్వహించారు. ట్రాఫిక్ నిబంధనలు తప్పనిసరిగా పాటించాలన్నారు. మద్యం తాగి, లైసెన్స్ లేకుండా వాహనాలను నడపడం చట్టరీత్యా నేరమన్నారు. నియమాలు ఉల్లంఘించిన వారిపై కఠిన చర్యలు తప్పవని హెచ్చరించారు.
వరంగల్ నగరంలోని ఎన్ఐటిలో విద్యార్థుల మధ్య జరిగిన ఘర్షణ ఘటన ఆలస్యంగా వెలుగులోకి వచ్చింది. సోమవారం రాత్రి వ్యక్తిగత కారణాలతో కొంతమంది విద్యార్థుల మధ్యవాగ్వాదం చెలరేగి దాడులకు చేసుకున్నారు.ఈ ఘటనలో కొందరు విద్యార్థులకు గాయాలు కాగా,వారికి ఆసుపత్రిలో చికిత్స అందించారు. మంగళవారం కళాశాల అధికారులు సంబంధిత విద్యార్థులను పిలిపించి కౌన్సెలింగ్ నిర్వహించారు.
అనకాపల్లి జిల్లా వైసీపీ అధ్యక్షుడిగా బొడేడ ప్రసాద్ నియమితులయ్యారు. పార్టీ అధినేత జగన్మోహన్ రెడ్డి ఆదేశాల మేరకు మంగళవారం కేంద్ర పార్టీ కార్యాలయం ఓ ప్రకటన విడుదల చేసింది. గతంలో ప్రసాద్ ఉమ్మడి విశాఖ జిల్లా పార్టీ అధ్యక్షుడిగా పని చేశారు. ఈ మేరకు ఆయన మాట్లాడుతూ.. జిల్లాలో పార్టీ బలోపేతమే లక్ష్యంగా పనిచేస్తానన్నారు. తనకు అవకాశం కల్పించిన జగన్కు కృతజ్ఞతలు తెలిపారు.
T20 WC నాకౌట్స్ రౌండ్లో అత్యధికంగా 373 రన్స్ చేసిన ఆటగాడిగా కోహ్లీ అగ్రస్థానంలో కొనసాగుతున్నాడు. 6 మ్యాచుల్లోనే కోహ్లీ ఈ ఘనత సాధించగా.. రోహిత్(8 మ్యాచుల్లో 227), బట్లర్(6లో 226) తర్వాతి 2 స్థానాల్లో ఉన్నారు. ఇక ఈ రౌండ్లో అత్యధిక హాఫ్ సెంచరీల రికార్డ్(5) కోహ్లీ పేరిట ఉండగా.. అత్యధిక మ్యాచులాడిన ఆటగాడిగా రోహిత్(8) కొనసాగుతున్నాడు.
SDPT: జిల్లా గజ్వేల్ ఆసుపత్రిలో 43 ఏళ్ల మహిళకు అరుదైన గర్భాశయ ఫైబ్రాయిడ్ (లియోమయోమస్) శస్త్ర చికిత్స విజయవంతంగా జరిగింది. గర్భాశయ కండర గోడలలో పెరిగిన 24 వారాల పరిమాణంలో ఉన్న 13/11/10 సెంటీమీటర్ల ఫైబ్రాయిడ్ను వైద్యులు తొలగించారు. ఈ శస్త్ర చికిత్సను డాక్టర్ త్రివేణి, డాక్టర్ ప్రవీణ్, డాక్టర్ ప్రేమ్ కిషోర్, అనస్థీషియా డాక్టర్ మైపాల్ తదితరులు పాల్గొన్నారు.
ASF: సమాచార హక్కు రక్షణ చట్టం-2005 సొసైటీ ఆసిఫాబాద్ జిల్లా లీగల్ అడ్వైజర్గా కాగజ్ నగర్కు చెందిన న్యాయవాది ధీరజ్ భౌమిక్ నియమితులయ్యారు. ఈ మేరకు రాష్ట్ర ఉపాధ్యక్షుడు డా. కొండగుర్ల కమలాకర్ ఒక ప్రకటన విడుదల చేశారు. ధీరజ్ మాట్లాడుతూ.. చట్టంపై ప్రజలకు అవగాహన కల్పిస్తూ సొసైటీ బలోపేతానికి కృషి చేస్తానని పేర్కొన్నారు.
MGL: ప్రజా పాలన – ప్రగతి ప్రణాళిక” కార్యక్రమంపై జిల్లాల కలెక్టర్లతో నిర్వహించిన సమీక్ష సమావేశంలో మంత్రి ధనుసరి సీతక్క పాల్గొన్నారు. ఈ సందర్భంగా ఆమె మాట్లాడుతూ.. ప్రభుత్వ సంక్షేమం, అభివృద్ధి పథకాలు అర్హులైన ప్రతి కుటుంబానికి చేరేలా జిల్లా యంత్రాంగం కృషి చేయాలని సూచించారు. ప్రజల సమస్యలను త్వరగా పరిష్కరించాలని కలెక్టర్లకు ఆమె సూచించారు.
KMM: సుజాతనగర్ మాజీ ఎమ్మెల్యే బొగ్గారపు సీతారామయ్య సతీమణి రుక్మిణమ్మ అనారోగ్యంతో కన్నుమూశారు. 1977-81 మధ్య ఎమ్మెల్యేగా సేవలందించిన సీతారామయ్య కుటుంబంలో ఈ మృతి విషాదం నింపింది. ఏన్కూర్ మండలం బీఆరపురం గ్రామంలో కుటుంబ సభ్యుల సమక్షంలో అంత్యక్రియలు నిర్వహించారు. పలువురు రాజకీయ నాయకులు నివాళులర్పించి సానుభూతి తెలిపారు.
GNTR: టమాటా ధరలు భారీగా పడిపోయాయి. గతంలో కిలో రూ.50 వరకు పలకగా, ప్రస్తుతం తెనాలి మార్కెట్లో ధర రూ.10కి పడిపోయింది. హోల్సేల్ మార్కెట్లో కేవలం రూ.8కే విక్రయిస్తున్నారు. ఈ ఏడాది పంట దిగుబడి భారీగా పెరగడమే ఈ ధరల పతనానికి ప్రధాన కారణంగా తెలుస్తోంది. అయితే, కనీసం పెట్టుబడి ఖర్చులు కూడా రావడం లేదని రైతులు తీవ్ర ఆవేదన వ్యక్తం చేస్తున్నారు.
JN: జిల్లా కేంద్రంలో మంగళవారం ఫ్లైఓవర్పై జరిగిన రోడ్డు ప్రమాదంలో ఇద్దరు యువకులు మృతి చెందారు. బైక్ను టాటా ఏసీ వాహనం ఢీకొనడంతో ఈ ప్రమాదం చోటుచేసుకుంది. ఈ ఘటనలో వారు తీవ్రంగా గాయపడ్డంతో ఆసుపత్రికి తరలిస్తుండగా మార్గమధ్యంలో ఇద్దరూ ప్రాణాలు కోల్పోయారు. మృతులు మరాఠీ దినేష్, బాల్దే బానుష్గా గుర్తించారు. టాటా ఏసీ డ్రైవర్ పరిస్థితి విషమంగా ఉన్నట్లు పోలీసులు చెప్పారు.
TG: రాష్ట్రంలోని రెండు రాజ్యసభ స్థానాల అభ్యర్థులను ఖరారు చేసేందుకు సీఎం రేవంత్, టీపీసీసీ చీఫ్ మహేష్ కుమార్ ఇవాళ ఢిల్లీ వెళ్లనున్నారు. అధిష్టానంతో భేటీ అయి తుది పేర్లను ప్రకటించనున్నారు. ఇప్పటికే ఒక సీటును సీనియర్ నేత అభిషేక్ మను సింఘ్వీకి కేటాయించినట్లు సమాచారం. రెండో స్థానం కోసం పలువురు రాష్ట్ర నేతలు పోటీ పడుతుండగా, సామాజిక సమీకరణల ఆధారంగా ఎంపిక ఉండనుంది.
BDK: మణుగూరు మండలంలో ఇద్దరు వ్యక్తులు గల్లంతైన విషయం తెలిసిందే. కాగా పద్మగూడెంకు చెందిన పదిమంది మంగళవారం మల్లేపల్లి గోదావరి నది ఒడ్డుకు వచ్చారు. అక్కడే వంటలు చేసుకుని సరదాగా గోదావరి ఒడ్డున ఈత కొడుతుండగా ముగ్గురు ప్రమాదవశాత్తు గోదావరిలో మునిగిపోతుండగా పద్దం ప్రసాద్ ఇద్దరిని కాపాడి, మరో వ్యక్తి నాగేశ్వరరావును కాపాడబోయి గల్లంతయ్యాడని తెలిపారు.
తిరుమల తిరుపతి దేవస్థానాలు(TTD) ఆస్పత్రుల్లో 8 సివిల్ అసిస్టెంట్ సర్జన్ పోస్టులకు ఇవాళ ఇంటర్వ్యూ జరగనుంది. MBBS/MS/MDలో ఉత్తీర్ణతతో పాటు ఉద్యోగానుభవం గలవారు అర్హులు. తిరుపతిలోని సెంట్రల్ హాస్పిటల్లో ఇంటర్వ్యూ జరగనుండగా.. ఎంపికైనవారికి నెలకు రూ.53,495 జీతం చెల్లిస్తారు. పూర్తి వివరాలకు ఇక్కడ క్లిక్ చేయండి.
