ఐకాన్ స్టార్ అల్లు అర్జున్ రేసు గుర్రం (Resugurram) చిత్రంతో టాలీవుడ్‌కు పరిచయమైన నటుడు రవికిషన్(Ravikishan). రేసుగుర్రం చిత్రంలో మద్దాలి శివారెడ్డిగా ప్రతినాయకుని పాత్రలో యాక్ట్ చేసి మెప్పించాడు.హిందీలో ‘ఫిర్ హేరా ఫేరీ’, ‘వెల్‌కమ్ టు సజ్జన్‌పూర్’, ‘ముక్కాబాజ్’, ‘కిక్ 2’ చిత్రాల్లోనూ నటించారు. సినిమాల్లో నటిస్తుండగానే పొలిటికల్ ఎంట్రీ ఇచ్చిన రవికిషన్.. గోరఖ్పూర్ ఎంపీ (Gorakhpur MP)గా గెలిచారు. ఇదిలా ఉంటే ప్రస్తుతం రవికిషన్ కూతురు వార్తల్లో హాట్ టాపిక్‌గా మారారు. రవి కిషన్‌ కూతురు ఇషిత (Ishita)(21) ఆర్మీలో ట్రైనింగ్ పూర్తిచేసుకుంది. తాజాగా ఆమె సైనికురాలిగా బాధ్యతలు చేపట్టారు. దీంతో రవికిషన్ కూతురిపై పలువురు ప్రశంసలు కురిపిస్తున్నారు.
చదవండి : గాయపడిన పాముకు చికిత్స చేసి వ్యక్తి.. ధైర్యానికి సెల్యూట్
తండ్రికి మూవీ, పొలిటికల్ బ్యాక్ గ్రౌండ్ ఉన్నప్పటికీ అవేవి కాదని.. దేశ సేవ చేయాలని ఇషిత నిర్ణయం తీసుకోవడం అభినందనీయమని ప్రశంసిస్తు్న్నారు. ఈ నేపథ్యంలో యూపీ మంత్రి దినేశ్ కతిక్ (Minister Dinesh Kathik) స్పందిస్తూ.. ఇషిత సాధించిన ఘనత యువతకు స్ఫూర్తిదాయకమని ట్వీట్‌లో పెర్కొన్నారు. అంతేకాకుండా సోషల్ మీడియా(Social media) వేదికగా తండ్రి, కూతుర్లపై నెటిజన్ల ప్రశంసల వర్షం కురిపిస్తున్నారు.ఇతరులకు ఆదర్శంగా నిలిచారు అంటూ పొగుడుతున్నారు. కాగా.. ఈ ఏడాది జనవరి 26న జరిగిన పరేడ్(Parade)లోనూ రవికిషన్ పాల్గొన్నారు. ఈ విషయాన్ని రవికిషన్ ట్వీట్‌ చేస్తూ సంతోషం వ్యక్తం చేశారు. ఎంతో కష్టపడి పనిచేసిన తన కూతురిని చూసి గర్వపడుతున్నానని ట్వీట్‌లో తెలిపాడు
చదవండి : ఎమ్మెల్యే ఈటల రాజేందర్‌కు ‘‘వై కేటగిరి’’ భద్రత !
