Rahul Gandhi: రాహుల్ గాంధీని ప్రశంసించిన పాకిస్థాన్ మాజీమంత్రి

Rahul Gandhi: Former Minister of Pakistan who praised Rahul Gandhi

Rahul Gandhi: కాంగ్రెస్ అగ్రనేత రాహుల్ గాంధీపై పాకిస్థాన్ మాజీ మంత్రి ప్రశంసలు కురిపించారు. పాక్ మాజీ ప్రధాని ఇమ్రాన్ ఖాన్ కేబినేట్‌లో మంత్రిగా పనిచేసిన ఫవాద్ హుస్సేన్ ఇటీవల తన సోషల్ మీడియా ఖాతాలో రాహుల్ గురించి పోస్ట్ చేశారు. ఎన్నికల ప్రచారంలో కాంగ్రెస్ నేత ప్రసంగించిన వీడియోను షేర్ చేసి.. రాహుల్ ఆన్ ఫైర్ అని క్యాప్షన్ ఇచ్చారు. అయితే దీనిపై బీజేపీ నేతలు తీవ్రంగా విమర్శలు చేశారు. పాక్ మాజీ ప్రధాని రాహుల్‌ను ప్రమోట్ చేస్తున్నారు.

ఇది కూడా చూడండి: AP Elections: ఏపీలో ప్రధాని మోడీ ఎన్నికల ప్రచారం.. తేదీలు ఇవే

కాంగ్రెస్ పార్టీ ఆ దేశంలో పోటీ చేయాలనుకుంటుందా? మేనిఫెస్టో దగ్గర నుంచి ఈ ప్రశంసల వరకు హస్తానికి పాకిస్థాన్‌తో ఉన్న స్నేహం తెలుస్తుందని బీజీపీ ఐటీ విభాగం చీఫ్ అమిత్ మాలవీయ విమర్శించారు. అలాగే ఎన్నికల ప్రచారంలో భాగంగా మోదీ కాంగ్రెస్‌పై పాక్ ప్రశంసల అంశాన్ని ప్రస్తావించారు. దేశంలో కాంగ్రెస్ నానాటికీ బలహీనపడుతోందని, పార్టీ అస్థిత్వాన్ని కోల్పోతుంటే పాకిస్థాన్ కన్నీళ్లు పెట్టుకుంటోందన్నారు. భారత్‌లో బలహీన ప్ర్రభుత్వం ఉండాలని, 2014కు ముందున్న సర్కారు మళ్లీ అధికారంలోకి రావాలని ఆశపడుతున్నారని మోదీ అన్నారు. అందుకే పాక్ నేతలు కాంగ్రెస్‌కి మద్దతుగా ఉన్నారని మోదీ తెలిపారు.

ఇది కూడా చూడండి: Elections 2024: ఏపీలో 4.14 కోట్ల మంది ఓటర్లు.. 46,389 పోలింగ్‌ కేంద్రాలు