PM Modi : ప్రధాని నరేంద్ర మోడీ రాజమాత అమృతా రాయ్‌తో ఫోన్‌లో మాట్లాడారు. రాజ్‌మాతతో మాట్లాడుతూ.. పశ్చిమ బెంగాల్‌లో ఈడీ చర్యలో స్వాధీనం చేసుకున్న మొత్తాన్ని.. ఎవరి నుంచి దోచుకున్నారో వారికే అందజేస్తామని ప్రధాని చెప్పారు. ఈ దిశగా పక్కా విధానానికి కృషి చేస్తున్నామని ప్రధాని మోడీ తెలిపారు. నేడు దేశంలో అవినీతి నుంచి విముక్తి కల్పించేందుకు కేంద్రంలోని బీజేపీ ప్రభుత్వం కృషి చేస్తోందన్నారు. రాజ మాత అమృతా రాయ్‌తో ఫోన్ సంభాషణలో.. ప్రధాని మోడీ తన మిషన్‌ను నిర్ధారించడానికి చట్టపరమైన ఎంపికల కోసం చూస్తున్నట్లు కూడా చెప్పారు. పేదల నుంచి దోచుకున్న సొమ్మును వారికి తిరిగి వచ్చేలా తమ ప్రభుత్వం ఈ దిశగా ప్రయత్నాలు చేస్తోందని అమృతా రాయ్‌కి హామీ ఇచ్చారు. దీనితో పాటు పశ్చిమ బెంగాల్ ప్రజలు మార్పు కోసం ఓటు వేస్తారని విశ్వాసం వ్యక్తం చేశారు.
చదవండి:Baltimore Bridge Collapse: బ్రిడ్జీ ప్రమాదం.. భారతీయుల తెలివితేటలను కొనియాడిన బిడెన్
రాజమాత అమృతా రాయ్ ఎవరు?
పశ్చిమ బెంగాల్‌లోని కృష్ణానగర్‌ నుంచి లోక్‌సభ ఎన్నికల్లో బీజేపీ అభ్యర్థిగా రాజమాతా అమృతా రాయ్ పోటీ చేస్తున్నారు. కృష్ణానగర్‌లో మహువా మోయిత్రా స్థానంలో పోటీ చేస్తున్నారు. అమృతా రాయ్ నదియా జిల్లాలోని రాజ్‌బారి వంశానికి చెందినవారు. అందుకే ఆమెను రాజమాత అంటారు. దేశంలో అవినీతిని రూపుమాపేందుకు ఒకవైపు బీజేపీ వ్యూహరచన చేస్తూనే మరోవైపు అవినీతిపరులంతా ఒకరినొకరు రక్షించుకునేందుకు ఏకమయ్యారని ప్రధాని మోడీ అన్నారు. అవినీతిపరులు ఏం చేసినా ఇప్పుడు ఊరుకునేది లేదన్నారు.
చదవండి:Japan : కొలెస్ట్రాల్ తగ్గించే మందు వేసుకుని ఇద్దరి మృతి.. 100మంది ఆస్పత్రి పాలు
రాజమాత అమృతా రాయ్‌తో పాటు, కేరళలోని అలత్తూరు బీజేపీ అభ్యర్థి ప్రొఫెసర్ టీఎన్ సరసుతో కూడా ప్రధాని మోడీ ఫోన్‌లో మాట్లాడారు. ఈ సందర్భంగా రాష్ట్రంలో ఎన్నికల పరిస్థితిని అడిగి తెలుసుకున్నారు. అక్కడ తన ప్రచారం ఎలా సాగుతుందని ఆయన ప్రశ్నించారు. మరోవైపు సహకార బ్యాంకు కుంభకోణంలో నిందితులపై కఠిన చర్యలు తీసుకుంటామని ప్రధాని మోడీ హామీ ఇచ్చారు.
