JP Nadda : బీజేపీ నేడు సాధారణ పార్టీ నుంచి ప్రపంచంలోనే అతిపెద్ద పార్టీగా ఎదిగిందని బీజేపీ జాతీయ అధ్యక్షుడు జేపీ నడ్డా అన్నారు. ఢిల్లీలోని భారత్ మండపంలో బీజేపీ జాతీయ కౌన్సిల్ సమావేశాలు జరుగుతున్నాయి. ఈ సందర్భంగా అధ్యక్షుడు జేపీ నడ్డా మాట్లాడుతూ ప్రధాని మోడీ నాయకత్వంలో వరుసగా ఎన్నో ఎన్నికల్లో విజయం సాధిస్తూ వస్తున్నామన్నారు. ఎవరూ ఊహించని రీతిలో త్రిపులో బీజేపీ ప్రభుత్వం ఏర్పడింది. ప్రపంచవ్యాప్తంగా మోడీ నాయకత్వంపై ప్రజలకు ఉన్న నమ్మకం బీజేపీని గెలిపిస్తుందన్నారు. ఈ క్రమంలో దేశం కోసం అనుకున్న పనులన్నీ ప్రధాని పూర్తి చేశారు. అలాగే గతంలో తెలంగాణలో 7.1 శాతం ఓట్లు రాగా.. ఇటీవల ఎన్నికల్లో అది 14 శాతానికి చేరుకుంది.
చదవండి: Bhadrachalam : భద్రాద్రి రాముడి వెండి ఇటుక మాయం
ప్రస్తుతం మాకు తెలంగాణ అసెంబ్లీలో ఎనిమిది మంది ఎమ్మెల్యేలు ఉన్నారు. అంతా సవ్యంగా జరిగితే తెలంగాణలో త్వరలో ప్రభుత్వం ఏర్పాటు కానుందన్న నమ్మకం ఉందని జేపీ నడ్డా అన్నారు. అంతకుముందు బీజేపీ జాతీయ కౌన్సిల్ సమావేశంలో ఢిల్లీలోని భారత్ మండపంలో ప్రధాని మోడీ, హోంమంత్రి అమిత్ షా, రక్షణ మంత్రి రాజ్‌నాథ్ సింగ్, జేపీ నడ్డా జ్యోతి ప్రజ్వలన చేశారు. రెండు రోజుల పాటు జరిగే ఈ సమావేశాల్లో.. వచ్చే పార్లమెంట్ ఎన్నికల్లో అనుసరించాల్సిన వ్యూహాలను బీజేపీ అధిష్టానం సభ్యులకు సూచించనుంది.
చదవండి:Madhyapradesh : మీ కొడుకు రేపిస్ట్… అంటూ పాక్ నుంచి మహిళకు ఫోన్
