వినియోగదారులకు సరికొత్త అనుభూతిని అందించేందుకు వాట్సాప్ (WhatsApp) ఎప్పటికప్పుడు కొత్త ఫీచర్లు వస్తున్నాయి. తాజాగా వాట్సాప్ మరో ఆసక్తికరమైన ఫీచర్‌ను తీసుకురానుంది. ఫోన్ నంబర్ కు బదులుగా వారు ఎంపిక చేసుకున్న పేరు యూజర్ నేమ్ (Username) మాత్రమే అవతలి వారికి కనిపిస్తుంది. ఈ విషయాన్ని వాట్సాప్ సమాచారాన్ని ట్రాక్ చేసే వాబీటాఇన్ఫో సంస్థ (info is a company) తెలిపింది. ప్రస్తుతం వాట్సాప్ ఈ కొత్త ఫీచర్ ను అభివృద్ధి చేస్తోంది. అది ఇంకా పరీక్షల దశలోకి రాలేదు. సాధారణంగా టెస్టింగ్ దశలోకి వచ్చిన ఫీచర్లు(Features), యూజర్లకు అప్ డేట్ రూపంలో వస్తాయని కచ్చితంగా చెప్పొచ్చు. ఇది ఇంకా అభివృద్ధి దశలోనే ఉన్నట్టు సమాచారం.
చదవండి : జ్యువెల్లరీ బ్రాండ్‌కు ప్రచారకర్తగా మహేశ్ కూతురు సితార
కనుక ఈ ఫీచర్ గురించి మరిన్ని వివరాలు తెలియవు. ఇప్పటికే కొన్ని ఇతర సామాజిక మాధ్యమ వేదికలు యూజర్ల కోసం ఇలాంటి ఫీచర్ ను అందిస్తున్నాయి. ఫోన్ నంబర్ లేకుండా, కేవలం యూజర్ నేమ్ మాత్రమే అక్కడ డిస్ ప్లే అవుతుంది. యూజర్ నేమ్ ఫీచర్ వాట్సాప్ లో ఎలా పనిచేస్తుందనే దానికి వాబీటాఇన్ఫో ఓ స్క్రీన్ షాట్ (Screen shot) ను సైతం షేర్ చేసింది. ఫోన్ నంబర్ కు బదులు యూజర్ నేమ్ పెట్టుకోవడం వల్ల మరో అంచె భద్రత లభించినట్టుగానే భావించొచ్చు. ముఖ్యంగా మహిళలకు ఈ ఫీచర్ మరింత ఉపయోగకరంగా ఉంటుంది.ఇన్ స్టా (In Sta), ఫేస్ బుక్ లాగా అందరూ తమకు ఇష్టమైన యూజర్ నేమ్ తో చాట్ చేయవచ్చు. ఫోన్ నంబర్ కూడా షేర్ చేయాల్సిన అవసరమే లేదు.
చదవండి : CM Jagan: 51,392 కుటుంబాలకు సీఎం జగన్ ఇళ్ల పట్టాలు పంపిణీ
