Motorola Razr Ultra: Moto's new foldable phone price, features!
Motorola Razr Ultra: మోటోరోలా రేజర్ 50 అల్ట్రా కొత్త ఫోల్డబుల్ ఫోన్ వచ్చింది. పెద్ద డిస్‌ప్లే, మెరుగైన డిజైన్, ఐపీ రేటింగ్, కొత్త హార్డ్‌వేర్‌తో వచ్చింది. ఫోన్‌తో పాటు కంపెనీ కొత్త వైర్లెస్ ఇయర్‌ఫోన్స్ ఇస్తున్నారు. రిటైల్ బాక్స్‌లో కూడా ఫోన్ కేస్ ఉంటుంది. ఈ మోటోరోలా రేజర్ 50 అల్ట్రా క్వాల్‌కామ్ కొత్త స్నాప్‌డ్రాగన్ 8ఎస్ జెన్‌3 ప్రాసెసర్‌తో పనిచేస్తుంది. గత వెర్షన్‌తో పోలిస్తే స్క్రీన్ పెద్దగా ఉంది. మెయిన్ స్క్రీన్ ఫుల్‌హెచ్‌డీ+పీఓలెడ్, 165హెచ్‌జెడ్ రీఫ్రెష్ రేటుతో 6.9 అంగుళాల పరిమాణంలో ఉంది. బయట తెర నాలుగు అంగుళాల పరిమాణంలో ఎల్‌టీపీఓ, ఫ్లెక్సిబుల్ అమోలెడ్, 165హెచ్‌జెడ్ రీఫ్రెష్ రేటుతో వస్తోంది. ఫోన్‌ను ఫోల్డ్ చేసేటప్పుడు వీడియోలు చూడటం, నావిగేషన్ వివరాలు, సెల్ఫీలు తీసుకోవడం వంటివి బయటి స్క్రీన్‌తోనే చేయవచ్చు. ప్రధాన కెమెరా 50MP, f/1.7, 50MP, f/2.0 టెలిఫొటో సెన్సర్‌, 2x ఆప్టికల్‌ జూమ్ సెటప్‌ను ఇచ్చారు.
ఇది కూడా చూడండి: Imran Khan: తోషాఖానా కేసులో పాకిస్థాన్ మాజీ ప్రధానికి ఊరట
30X ఏఐ సూపర్ జూమ్, ఏఐ యాక్షన్ షాట్, ఏఐ అడాప్టివ్ స్టెబిలైజేషన్, ఇంటెలిజెంట్ ఆటో ఫోకస్ ట్రాకింగ్ వంటి కెమెరా ఏఐ ఫీచర్లున్నాయి. లోపలి డిస్‌ప్లేపై 32MP సెల్ఫీ కెమెరా కూడా ఉంది. 45W ఫాస్ట్ ఛార్జింగ్ సపోర్ట్‌తో 4000 mAh బ్యాటరీ ఇచ్చారు. 15W వైర్లెస్ ఛార్జింగ్ సపోర్ట్‌ కూడా ఉంది. ఆండ్రాయిడ్‌ 14 ఓఎస్‌తో ఇది పనిచేస్తుంది. 5జీ, 4జీ ఎల్‌టీఈ, వైఫై 5G, 6/6E, 7, బ్లూటూత్‌, జీపీఎస్‌, ఏజీపీఎస్‌, ఎన్‌ఎఫ్‌సీ, యూఎస్‌బీ టైప్‌-సి వంటి కనెక్టివిటీ ఫీచర్లు ఉన్నాయి. 12 జీబి ర్యామ్ + 512 జీబి స్టోరేజీ ధర రూ.99,999. విడుదల సందర్భంగా రూ.5000 రాయితీ, ఎంపిక చేసిన బ్యాంకు కార్డులపై రూ.5000 అదనపు రాయితీ కూడా ఉంటుంది. జులై 20 నుంచి అమెజాన్, రిలయన్స్ స్టోర్లతో పాటు ఇతర ప్లాట్‌ఫామ్‌లలో విక్రయానికి అందుబాటులో ఉంటాయి. జులై 10 నుంచి బుకింగ్‌లు ప్రారంభమవుతాయి.
ఇది కూడా చూడండి: Former MLA Sudhakar: బాలికపై అసభ్యప్రవర్తన.. వైసీపీ మాజీ ఎమ్మెల్యే సుధాకర్ అరెస్ట్‌
