Enforcement Directorate: ఫెమా చట్టాలను ఉల్లంఘిస్తూ విదేశాలకు అక్రమంగా డబ్బుల్ని పంపించేస్తున్న కొన్ని కంపెనీల్లో ఎన్‌ఫోర్స్‌మెంట్‌ డైరెక్టరేట్‌(ED) తనిఖీలు నిర్వహిస్తోంది. ఇందులో భాగంగా ఓ దగ్గర వాషింగ్ మిషన్‌లో(Washing Machine) దాచి పెట్టిన 2.5 కోట్ల నోట్ల కట్టల్ని స్వాధీనం చేసుకుంది. అయితే ఈ డబ్బులను ఏ ప్రాంతం నుంచి స్వాధీనం చేసుకున్నారన్న విషయాన్ని మాత్రం ఈడీ(ED) వెల్లడించలేదు.
చదవండి : బటర్‌ చికెన్‌ కనిపెట్టింది మేమంటే మేమంటూ కోర్టుకెక్కిన రెస్టారెంట్లు
ఫెమా ఉల్లంఘనల కేసులో భాగంగా రాజ్‌నందిని మెట‌ల్స్‌, కాప్రికార్నియన్ షిప్పింగ్ అండ్ లాజిస్టిక్స్, లాక్స్‌మిటాన్ మారిటైం, హిందుస్థాన్ ఇంట‌ర్నేష‌న‌ల్‌, స్టావార్ట్ అలాయ్స్‌, భాగ్య న‌గ‌ర్ లిమిటెడ్‌, వినాయ‌క స్టీల్స్‌, వ‌శిష్ట క‌న్‌స్ట్ర‌క్ష‌న్స్ కంపెనీలు, వాటి డైర‌క్ట‌ర్ల ఇండ్ల‌ల్లో సోదాలు జ‌రిగాయి. విజ‌య్ కుమార్ శుక్లా, సంజ‌య్ గోస్వామి, సందీప్ గార్డ్‌, వినోద్ కేడియా లాంటి డైరెక్ట‌ర్ల నివాసాల్లో తనిఖీలు నిర్వ‌హించారు.
చదవండి : ఛత్తీస్‌ఘడ్‌లో భారీ ఎన్‌కౌంటర్‌.. ఆరుగురు మావోయిస్టులు హతం
ముంబై, ఢిల్లీ, హైదరాబాద్‌, కురక్షేత్ర, హరియానాల్లో ఈడీ ఈ సోదాలను నిర్వహిస్తోంది. ఈ సందర్భంగా ఈడీ ఇలా వాషింగ్ మిషన్‌లో ఉన్న కట్టల కట్టల డబ్బులకు సంబంధించిన ఫోటోను విడుదల చేసింది. అయితే ఇంత భారీ సొమ్మును ఎక్కడి నుంచి స్వాధీనం చేసుకున్నదీ వెల్లడించలేదు. సింగపూర్‌కు చెందిన గెలాక్సీ షిప్పింగ్ కంపెనీకి సుమారు 1800 కోట్లను కాప్రికార్నియన్ షిప్పింగ్ కంపెనీ తరలించినట్లు ఆరోపణలు ఉన్నాయి. షెల్ కంపెనీల ద్వారా భారీ మొత్తం లావాదేవీలు జ‌రిగిన‌ట్లు భావిస్తున్నారు. దీంతో 47 బ్యాంకు ఎకౌంట్‌లను సైతం ఫ్రీజ్‌ చేసినట్లు ఈడీ చెబుతోంది.
