Urvashi Rautela :కేన్స్ ఫిల్మ్ ఫెస్టివల్ మే 16న ఫ్రాన్స్(France) లో అట్ట‌హాసంగా ప్రారంభమైంది. 76 వ వార్షిక కేన్స్ ఫిల్మ్ ఫెస్టివల్(Cannes Film Festival) ఈ నెల 27 వరకు జరగనున్నాయి. ప్ర‌తేడాది జరిగే ఈ ఫిల్మ్ ఫెస్టివల్‌లో ప్రపంచవ్యాప్తంగా పాపులర్ అయిన సినీ తారలు, మోడళ్లు(Models), డిజైనర్లు, పలువురు సెలబ్రిటీలు పాల్గొని విభిన్న ఫ్యాషన్ దుస్తుల్లో రెడ్ కార్పెట్(Red carpet) పై ఒంపుసొంపులతో హొయలు పోతుంటారు. ఈ ఫిల్మ్ ఫెస్టివల్ లో బాలీవుడ్ బోల్డ్ బ్యూటీ ఊర్వశి రౌతేలా(Urvashi Rautela) రోజుకో వెరైటీ డ్రస్సులో అందరినీ ఆకర్షిస్తోంది. మొదటి రోజు పింక్ టల్లే గౌను ధరించి మెడలో మొసలి నెక్లెస్, చెవులకు మొసలి రింగులు పెట్టుకుని అందంగా ద‌ర్శ‌న‌మిచ్చింది.
చదవండి : Chennai: సముద్రాల్లో పెరుగుతోన్న ప్లాస్టిక్ కాలుష్యం
అయితే ఆమె ధ‌రించిన ఆభ‌ర‌ణాలు న‌కిలీవి అంటూ నెట్టింట పెద్ద ఎత్తున రచ్చ జరిగింది. దీంతో ఈ విష‌యంపై ఆమె టీమ్ స్పందించింది. ఊర్వశి రౌటేలా ధ‌రించిన ఆ నెక్లెస్ ధర రూ. 276 కోట్లు అని.. అది ఆమె ఫ్యాషన్ అభిరుచిని తెలుపుతుందని.. మహిళలు ఎదుర్కొనే సవాళ్లు, విజయాలు రెండింటికి ఇది చిహ్నం అని పేర్కొంది. ఈ విష‌యం తెలిసి నెటిజ‌న్లు ఆశ‌ర్చ‌పోతున్నారు. మ‌రికొంద‌రేమో ఈ విష‌యాన్ని న‌మ్మ‌కుండా సెటైర్లు పేలుస్తున్నారు. అంత సీన్ లేదు, జోక్ బాగుంది అంటూ కామెంట్లు చేస్తున్నారు. కాగా, ఈ ఏడాది కేన్స్ రెడ్ కార్పెట్ పై ఊర్వశి రౌతేలా ఇప్ప‌టి వరకు నాలుగు సార్లు హొయలొలికించింది. తొలి రోజు నుండి అదిరిపోయే ఔట్‌ఫిట్స్‌తో హెడ్ లైన్స్ లో నిలుస్తోంది.
చదవండి : Hansika Motwani : ఆ టాలీవుడ్ హీరోపై హన్సిక షాకింగ్ కామెంట్స్
