న్యాచురల్ స్టార్ నటించిన ఫస్ట్ పాన్ ఇండియా ఫిల్మ్ దసరా.. మార్చి 30న గ్రాండ్‌గా థియేటర్లోకి రాబోతోంది. ఇప్పటికే నాని దేశమంతా చుట్టేస్తు.. భారీగా ప్రమోషన్స్ చేస్తున్నాడు. అందుకు తగ్గట్టే నానికి బాక్సాఫీస్ దగ్గర ఎదురే లేకుండా పోయింది. మిగతా భాషల్లో కొన్ని సినిమాలు రిలీజ్ అవుతున్నా.. తెలుగులో మాత్రం దసరా తప్పితే మరో సినిమా రిలీజ్ అవడం లేదు. విశ్వక్ సేన్ ధమ్కీ థియేటర్లో ఉన్నా.. నానిదే హవా అని చెప్పొచ్చు. ఇక థియేటర్ల విషయంలో ఎలాంటి ఢోకా లేదు. నానికి తెలుగులోనే భారీ మార్కెట్ ఉంది. మిగతా భాషల్లో కలెక్షన్స్ ఎలా ఉన్నా తెలుగు రాష్ట్రాల్లో మాత్రం.. ఓపెనింగ్స్ అదిరిపోవడం పక్కా. కాకపోతే మిగతా భాషల్లో పోటీ తప్పేలా లేదు. త‌మిళ్‌లో రెండు సినిమాలు రిలీజ్ అవుతున్నాయి. హిందీలో అజ‌య్ దేవ్‌గ‌ణ్ ‘భోళా’ రిలీజ్‌కు రెడీ అవుతోంది. త‌మిళ్‌ హిట్ మూవీ ఖైదీ రీమేక్‌గా రూపొందుతోన్న ఈ సినిమా పై భారీ అంచనాలే ఉన్నాయి. అయినా కూడా నాని సినిమాకు మంచి క్రేజ్ ఉంది. బాహుబలి, ట్రిపుల్ ఆర్, కెజియఫ్, పుష్ప, కాంతార లాంటి సినిమాల తర్వాత.. సౌత్ మూవీస్ కోసం ఆసక్తిగా ఎదురు చూస్తున్నారు నార్త్ ఆడియెన్స్. ఇదే ఇప్పుడు దసరా సినిమాకు మరింత కలిసొచ్చేలా ఉంది. ఈ సినిమాకు ఏ మాత్రం పాజిటివ్ టాక్ వచ్చిన.. తెలుగుతో పాటు మిగతా భాషల్లో దుమ్ముదులిపేయడం గ్యారెంటీ అంటున్నారు. నాని కూడా దసరా అంతకుమించి అనేలా ఉంటుందని అంటున్నాడు. తెలంగాణ బ్యాక్‌డ్రాప్‌లో తెరకెక్కిన ఈ సినిమాతో శ్రీకాంత్ ఓదెల దర్శకుడిగా ఇంట్రడ్యూస్ అవుతుండగా.. కీర్తి సురేష్ హీరోయిన్‌గా నటిస్తోంది. మొత్తంగా.. ఈ వారం మొత్తం నానికి అసలైన ‘దసరా’ పండగేనని చెప్పొచ్చు.
