టాలీవుడ్ యంగ్ హీరో నిఖిల్ (Hero Nikhil) షాకింగ్ కామెంట్స్ చేశారు. డ్రగ్స్ కేసు(Drug case)లో అరెస్టయిన నిర్మాత కేపీ చౌదరి (KP Chaudhary) కస్టడీలో వెల్లడించిన అంశాలతో టాలీవుడ్ (Tollywood) లో మరోసారి కలకలం రేగింది. డ్రగ్స్ తీసుకోవాలంటూ గతంలో తనకు చాలాసార్లు ఆఫర్ చేశారని నిఖిల్ తెలిపారు. కానీ తాను ఎప్పుడూ మత్తు జోలికి వెళ్లలేదని అన్నారు. డ్రగ్స్ కు అందరూ దూరంగా ఉండాలని పిలుపునిచ్చారు. యువత డ్రగ్స్, మత్తు పదార్థాలకు బానిసై బంగారు భవిష్యత్‌ (future)ను నాశనం చేసుకోవద్దని సూచించారు. డ్రగ్స్ మహమ్మారి నేడు ప్రపంచాన్ని పట్టి పీడిస్తున్న అత్యంత భయంకర వ్యసనమన్నారు. దీనిని తరిమికొట్టాల్సిన బాధ్యత యువత, విద్యార్థులపై ఉందని నిఖిల్ పేర్కొన్నారు. డ్రగ్స్‌తో విచక్షణ కోల్పోతారని, ఏం చేస్తున్నారో కూడా వారికి తెలియదని అన్నారు.
చదవండి :YS Sharmila: గల్లీలో సిగపట్లు, ఢిల్లీలో కౌగిలింతలు, బీజేపీ-బీఆర్‌ఎస్‌పై షర్మిల నిప్పులు
డ్రగ్స్ మాఫియా యువతను టార్గెట్‌ చేసుకునే చాపకింద నీరులా తమ వ్యాపారాన్ని విస్తరిస్తోందని ఆయన తెలిపారు. త్వరలోనే తెలంగాణ(Telangana), భారతదేశం మాదకద్రవ్యాల నుంచి విముక్తి చెందాలని కోరుకుంటున్నానని ఆయన అన్నారు. యువత డ్రగ్స్ జోలికి వెళ్లకుండా స్నేహితులతో కలిసి ఇతర మార్గాల్లో జీవితాన్ని ఆస్వాదించడంపై దృష్టి సారించాలని నిఖిల్ సూచించారు. ప్రయాణాలు చేయండి, విహారయాత్రలకు వెళ్లండి, సైక్లింగ్ (Cycling) చేయండి… ఫుట్ బాల్, క్రికెట్ (Cricket) వంటి ఆటలు ఆడండి, సినిమాలు చూడండి… అంతేతప్ప మత్తుకు బానిసలు కావొద్దు అని సలహా ఇచ్చారు.
చదవండి : Karnataka : బావిలో పడిన చిరుత.. వీడియో వైరల్
