ఈ సారి దసరా వార్ సీనియర్ హీరోలు మెగాస్టార్ చిరంజీవి, కింగ్ నాగార్జునల మధ్య ఫిక్స్ అయిన సంగతి తెలిసిందే. అయితే మెగాస్టార్ ‘గాడ్ ఫాదర్’ పై రోజు రోజుకి భారీ హైప్ క్రియేట్ అవుతుంటే.. ది ఘోస్ట్ పై మాత్రం పెద్దగా బజ్ లేదు. గాడ్ ఫాదర్ ప్రీ రిలీజ్ ఈవెంట్‌తో ఫుల్ హంగామా చేస్తున్నారు మెగాభిమానులు. కానీ ఘోస్ట్ ప్రీ రిలీజ్ ఈవెంట్.. సినిమా పై అనున్నంత హైప్ క్రియేట్ చేయలేకపోయింది. పోయిన ఆదివారం ‘ది ఘోస్ట్’ ప్రీ రిలీజ్ ఈవెంట్‌ను కర్నూలులో గ్రాండ్‌గా నిర్వహించారు. ఈ వేడుకకు నాగచైతన్య, అఖిల్ గెస్టులుగా హాజరయ్యారు. ఈ విషయంలో అక్కినేని అభిమానులు ఫుల్ ఖుషీ అయ్యారు. అయినా ప్రమోషన్స్ విషయంలో ‘ది ఘోస్ట్’ వెనకబడిపోయాడనే కామెంట్స్ వినిపిస్తున్నాయి. ఇంత పెద్ద ఎత్తున ఈవెంట్ జరిగినా ‘ది ఘోస్ట్’కు పెద్దగా పబ్లిసిటీ రాలేదని అంటున్నారు. అయితే దీనంతటికి కారణం ఉప్పల్‌లో జరిగిన క్రికెట్ మ్యాచేనని అంటున్నారు. ‘ది ఘోస్ట్’ ఈవెంట్ జరిగిన రోజే హైదరాబాద్‌లో ఇండియా వెర్సెస్ ఆస్ట్రేలియా క్రికెట్ మ్యాచ్ జరిగింది. పైగా మ్యాచ్‌తో పాటు సిరీస్ కూడా గెలుచుకుంది ఇండియా టీమ్. దాంతో సంబరాలు చేసుకున్నారు జనాలు. దీని వల్లే ‘ది ఘోస్ట్’ వేడుకను చాలామంది చూడలేదని టాక్. అందుకే ఈ సినిమాకు పెద్దగా హైప్ రాలేదంటున్నారు. కానీ ‘గాడ్ ఫాదర్’ మాత్రం ఈ విషయంలో సక్సెస్ అయిందనే చెప్పాలి. అయితే ప్రమోషన్స్‌తో బజ్ రాకపోయినా.. సినిమాలో కంటెంట్ ఉంటే చాలంటున్నారు అభిమానులు. అలాగే రిలీజ్‌కు ఇంకా టైం ఉంది కాబట్టి ‘ది ఘోస్ట్’ ప్రమోషన్స్‌ను పరుగులు పెట్టించాలని అంటున్నారు.
