Surya gave dinner to fans.. because?
Surya: తమిళ హీరోలు అయినా తెలుగు వారికి చాలా దగ్గరయ్యారు సూర్య(Surya), కార్తి(karthi) అన్నదమ్ములు. కేవలం సినిమాలు చేస్తూ అలరించడమే కాదు సాయం చేయడంలోను ముందుంటారు. మరోసారి వీరి మంచితనం బయటకు వచ్చింది. గతంలో మిగ్‌జాం తుపాను సమయంలో సూర్య ఫ్యాన్స్ స్వచ్చందంగా ముందుకొచ్చి వేలమంది బాధితులకు సాయం చేశారు. అప్పట్లో దీనిపై సూర్య స్పందించారు. వారందరికి ధన్యవాదాలు తెలిపారు. తాజాగా వారిని పిలిచి అందరికి విందు ఇచ్చారు. ప్రస్తుతం దీనికి సంబంధించిన ఫొటోలు వైరల్‌ అవుతున్నాయి.
చదవండి:Shivaratri special: ఈ వారం థియేటర్లో, ఓటీటీలో అలరించే శివరాత్రి స్పెషల్ మూవీస్
పోయిన ఏడాది డిసెంబర్‌లో మిగ్‌జాం తుఫాను వచ్చింది. ఈ బీభత్సానికి చెన్నై నగరం మొత్తం వణికిపోయింది. సాధారణ ప్రజలే కాదు సెలబ్రిటీలు కూడా ఇబ్బందులు పడ్డారు. ఆ సమయంలో సూర్య ఫ్యాన్స్ స్వచ్ఛందంగా వచ్చి బాధితులను ఆదుకున్నారు. విషయం తెలుసుకున్న సూర్య బాధితులను ఆదుకోవడానికి రూ.10లక్షలు ఆర్థిక సాయం ప్రకటించారు. దీంతో తుఫాను ప్రభావిత ప్రాంతాల్లో సూర్య ఫ్యాన్స్ భోజనాలు ఏర్పాటు చేశారు. బాధితులు ఆకలి తీర్చారు. తాజాగా వారందరిని పిలిపించి ఆయనే స్వయంగా భోజనాలు వడ్డించారు. ప్రస్తుతం సూర్య కంగువా చిత్రంలో నటిస్తున్నారు. వేసవి కానుకగా ఈ సినిమా ప్రేక్షకుల ముందుకు రానుంది.
చదవండి:The Kerala Story: ఓటీటీలో సంచలనం సృష్టిస్తున్న ‘ది కేరళ స్టోరీ’ మూవీ!
