మళయాళ మెగాస్టార్ మమ్ముట్టి తనయుడిగా దుల్కర్ సల్మాన్ అందరికీ సుపరిచితుడే. అయితే అప్పటి వరకు ఏదో డబ్బింగ్ సినిమాలతో మాత్రమే తెలుగు ఆడియెన్స్ పరిచయం అయిన దుల్కర్ సల్మాన్.. ‘మహానటి’ సినిమాలో జెమిని గణేషన్ పాత్రతో అందరినీ కట్టి పడేశాడు. ఇక ఆ తర్వాత తెలుగులో సీతారామం సినిమాతో మంచి ఫ్యాన్ ఫాలోయింగ్ పెంచుకున్నాడు.
తెలుగు బడా నిర్మాణ సంస్థ వైజయంతీ బ్యానర్ నిర్మించిన సీతారామం సినిమాను హను రాఘవపూడి తెరకెక్కించాడు. లాస్ట్ ఇయర్ వచ్చిన సినిమాల్లో.. సీతారమం మంచి క్లాసికల్ హిట్‌గా నిలిచింది. ఈ సినిమాతో దుల్కర్‌కు తెలుగులో మంచి క్రేజ్ ఏర్పడింది. అందుకే మరో టాలీవుడ్ డైరెక్టర్‌తో సినిమా ఫిక్స్ అయ్యాడు. ఇటీవల వచ్చిన ధనుష్ ‘సార్’ సినిమాతో మంచి విజయాన్ని అందుకున్నాడు యంగ్ డైరెక్టర్ వెంకీ అట్లూరి.
అయితే సార్ సినిమాను కోలీవుడ్ స్టార్‌తో చేసిన వెంకీ.. ఇప్పుడు మళయాళ స్టార్‌తో కమిట్ అయ్యాడు. వెంకీతో వరుసగా సినిమాలు నిర్మిస్తున్న సితార ఎంటర్టైన్మెంట్స్ బ్యానర్ పై ఈ సినిమా రాబోతోంది. ఈ సినిమాను అఫీషియల్ అనౌన్స్మెంట్ కూడా ఇచ్చేశారు.
అయితే ఈ సినిమా కూడా సీతారామం లాగే.. పక్కా ప్రేమ కథ అని తెలుస్తోంది. లవ్ స్టోరీస్ సినిమాలకు దుల్కర్ కరెక్ట్‌గా సరిపోతాడు. అందుకే ఈ కాంబినేషన్ మరో ‘సీతారామం’ రేంజ్‌లో ఉంటుందా? అనేది ఆసక్తికరంగా మారింది. మరి వెంకీ అట్లూరి, దుల్కర్ సల్మాన్ కలిసి ఎలాంటి సినిమాతో వస్తారో చూడాలి.
ఇది కూడా చూడండి: Vaishnav Tej: రుద్ర తాండవం చేయనున్న మెగా మేనల్లుడు..ఆదికేశవ ఫస్ట్ గ్లింప్స్ రిలీజ్
