Roshan Kanakala: యాంకర్‌గా తెలుగు ఇండస్ట్రీలో ప్రత్యేక గుర్తింపు తెచ్చుకున్న సుమ, నటుడిగా రాజీవ్ కనకాల టాలీవుడ్‌లో దూసుకుపోతున్నారు. ఈ ఇద్దరి వారసత్వాన్ని అందుకొని.. ఇప్పుడు వీరి వారసుడు రోషన్ హీరోగా వెండితెరకు పరిచయం అయ్యాడు. ‘బబుల్ గమ్’ అనే మూవీతో హీరోగా డెబ్యూ ఇచ్చాడు. ఈ సినిమాలో రోషన్ సరసన మనసా చౌదరి హీరోయిన్‌గా నటించింది. ‘క్షణం’, ‘కృష్ణ అండ్ హిస్ లీలా’ వంటి సూపర్ హిట్ సినిమాలను తెరకెక్కించిన రవికాంత్ పేరేపు ఈ చిత్రానికి దర్శకత్వం వహించాడు.
ఇది కూడా చూడండి: Tokyo-Haneda Airport: ఢీకొట్టుకున్న రెండు విమానాలు.. చెలరేగిన మంటలు
శ్రీ చరణ్ పాకాల సంగీతం అందించగా.. ప్రముఖ నిర్మాణ సంస్థ పీపుల్స్ మీడియా ఫ్యాక్టరీ నిర్మించింది. టీజర్, ట్రైలర్, సాంగ్స్‌తో సినిమా పై అంచనాలను పెంచేసిన బబుల్ గమ్ సినిమా.. డిసెంబర్ 29న రిలీజ్ చేశారు. అయితే.. గ్రాండ్‌గా రిలీజ్ అయిన ఈ సినిమా మిక్స్డ్ టాక్ తెచ్చుకుంది. నాలుగు రోజుల్లో కనీసం కోటి రూపాయల కలెక్షన్స్ కూడా రాబట్టలేకపోయింది. దీంతో.. ప్రస్తుతం బబుల్ గమ్ మూవీ డిజాస్టర్ వైపు దూసుకుపోతోంది. మొదటి రోజు 50 లక్షల వసూళ్లను రాబట్టిన బబుల్ గమ్.. రెండు రోజు 45 లక్షలు, మూడో రోజు కేవలం 52 లక్షల వసూళ్లు మాత్రమే వచ్చాయి. మండే హాలీడే ఉన్ననప్పటికీ 47 లక్షల వసూళ్లను మాత్రమే రాబట్టింది.
ఇది కూడా చూడండి: Dubbing Movies: జనవరి 26న ఇన్ని డబ్బింగ్ సినిమాలా?
మొత్తంగా నాలుగు రోజుల్లో కోటి తొంభై లక్షల గ్రాస్ మరియు 90 లక్షలకు పైగా షేర్‌ను రాబట్టింది. మంగళవారం రోజు కలెక్షన్స్ మరింత తగ్గనున్నట్లు ట్రేడ్ వర్గాలు చెబుతున్నాయి. దాదాపు నాలుగు కోట్ల బడ్జెట్‌తో బబుల్ గమ్ మూవీ తెరకెక్కింది. ఓవరాల్‌గా ఈ మూవీ కోటిన్నర వరకు వసూళ్లను రాబట్టే అవకాశం ఉందంటున్నారు. దీంతో.. నిర్మాతలకు బబుల్ గమ్ భారీగానే నష్టాలు మిగిల్చే అవకాశం ఉంది. అలాగే.. హీరోగా కొడుకు హిట్ కొడతాడని భావించిన సుమ, రాజీవ్ దంపతులకు ఫస్ట్ సినిమా నిరాశపరిచినట్టే.
ఇది కూడా చూడండి:Andhra Pradesh: అంగన్వాడీలకు జగన్ సర్కార్ హెచ్చరిక
