ప్రభాస్, మారుతి కాంబినేషన్లో సినిమా అన్నప్పుడు.. భారీ పాన్ ఇండియన్ ప్రాజెక్ట్స్ మధ్య ఇది అవసరమా.. అని ఫీల్ అయ్యారు డార్లింగ్ ఫ్యాన్స్. కానీ ప్రభాస్ మాత్రం అనుకున్నది చేసేశాడు. సైలెంట్‌గా మారుతి ప్రాజెక్ట్‌ను మొదలు పెట్టేశాడు. ఇప్పటికే రెండు, మూడు షెడ్యూల్స్ షూటింగ్ కూడా కంప్లీట్ చేసుకున్నారు. అయినా ఇప్పటి వరకు ఈ సినిమా నుంచి ఎలాంటి అధికారిక ప్రకటన లేదు. మధ్యలో ఏవో చిన్న చిన్న లీకులు మాత్రం.. మారుతి పై కాన్ఫిడెన్స్ పెంచేసేలా చేసింది. ప్రభాస్, మారుతిని నమ్మాడంటే.. ఖచ్చితంగా మ్యాటర్ వేరేలా ఉందని ఫిక్స్ అయిపోయారు. దాంతో ఈ ప్రాజెక్ట్‌ను అనౌన్స్ చేయాలంటూ సోషల్ మీడియలో ట్రెండ్ కూడా చేశారు. అయినా మేకర్స్ నుంచి ఎలాంటి అప్డేట్ లేదు. అయితే ఎట్టకేలకు దీనిపై స్పందించారు మేకర్స్. పీపుల్స్ మీడియా ఫ్యాక్టరీ సంస్థ ఈ సినిమాను నిర్మిస్తోంది. పై టిజి విశ్వప్రసాద్, వివేక్ కూచిబొట్ల నిర్మాతలుగా వ్యవహరిస్తున్నారు. తాజాగా పలానా అబ్బాయి పలానా అమ్మాయి మూవీ ప్రమోషన్లో భాగంగా మారుతి ప్రాజెక్ట్ గురించి చెప్పుకొచ్చారు వివేక్. ప్రభాస్ ప్రాజెక్ట్‌ను సరైన టైంలో అనౌన్స్ చేస్తామని.. అప్డేట్ ఇవ్వడానికి రైట్ టైమ్ కోసం చూస్తున్నామని చెప్పుకొచ్చారు. దీంతో ఇప్పట్లో ఈ సినిమా నుంచి అప్డేట్ వచ్చే అవకాశాలు తక్కువనే చెప్పాలి. ప్రస్తుతం ప్రభాస్ నటిస్తున్న ఆదిపురుష్, సలార్, ప్రాజెక్ట్ కె బ్యాక్ టు బ్యాక్ రిలీజ్‌కు రెడీ అవుతున్నాయి. ఈ పాన్ ఇండియా సినిమాల మధ్యలో మారుతి ప్రాజెక్ట్‌ను ప్రకటిచడం కాస్త కష్టమే. మరి మేకర్స్ చెబుతున్న.. ఆ కరెక్ట్ టైం ఎప్పుడొస్తుందో చూడాలి.
