Payal Rajput, Ajay Bhupathi combo Mangalavaaram trailer review.. Chiranjeevi responded
Mangalavaaram: మంగళవారం(Mangalavaaram) ట్రైలర్ విడుదలైంది. ఫస్ట్ ఫ్రేమ్ నుంచే సినిమా ఇంటెన్స్ అని అర్థం అవుతుంది. ఇది కచ్చితంగా థ్రిల్లర్ కథ కాబట్టి.. ఆ యాంబియెన్స్‌ను చక్కగా క్రియేట్ చేశారు. దీనికి తోడు పాయల్ రాజ్ పూత్ స్క్రీన్ ప్రజెన్స్ అదిరిపోయింది. అమ్మవారి ఆకారంలో ఉన్న ఒక క్యారెక్టర్‌ను చూసి రైతు భయపడడంతో ట్రైలర్ మొదలు అవుతుంది. నెక్ట్స్ షాట్‌లో ఉత్కంఠభరితంగా ఊరి జనం పరుగెడుతుంటారు. ఊరిలో ఉన్న అక్రమ సంబంధాల గురించి ఒక గోడపై తమ పేర్లతో సహా ఎవరో రాస్తారు. దాన్ని జనం అంతా చూస్తారు.
ఎవరు రాస్తున్నారని మాట్లాడుకుంటారు. ఆ గ్రామంలో ప్రతి మంగళవారం ఆ అక్రమ సంబంధం పెట్టుకున్న వాళ్లు చెట్టుకు ఉరితీయబడి వేళాడుతుంటారు. దీన్ని చూసిన గ్రామస్తులు అంతా భయంతో వణుకుతుంటారు. ఈ నేపథ్యంలో గ్రామ దేవతకు ఇష్టమైన మంగళవారం రోజే ఈ హత్యలు జరుగుతుంటాయని పూజారి చెప్తాడు. ఈ కథలకు హీరోయిన్‌కు ఏంటి సంబంధం అనేది ఈ ట్రైలర్ చూస్తే అర్థం అవుతుంది. ట్రైలర్ అంతా వీలేజ్ బ్యాగ్‌డ్రాఫ్‌లోనే జరుగుతుంది. హత్యల చుట్టు జరిగే సస్పెన్స్ థ్రిల్లర్ అనేది అర్థం అవుతుంది.
చదవండి:Bhagavanth Kesari: రెండు రోజుల్లోనే బాలయ్య హాఫ్ సెంచరీ!
ఆర్ఎక్స్ 100 సినిమా తరువాత డైరెక్టర్ అజయ్ భూపతి, బ్యూటిఫుల్ హీరోయిన్ పాయల్ రాజ్ కాంబినేషన్‌లో తెరకెక్కుతున్న చిత్రం మంగళవారం. మొదటి సినిమాతోటే తెలుగు కుర్రకారుకు నిద్రలేకుండా చేసిన ఈ బ్యూటీ మరింత హాట్‌గా ఈ ట్రైలర్‌లో కనిపిస్తుంది. నందిత శ్వేత, దివ్య పిళ్లై, అజ్మల్ అమీర్, రవీంద్ర విజయ్, కృష్ణ చైతన్య, అజయ్ గోష్, శ్రవణ్ రెడ్డి వంటి ముఖ్య తారాగణంతో ఈ సినిమా తెరకెక్కుతుంది. ఈ చిత్రాన్ని నవంబర్ 17న పాన్ రేంజ్‌లో విడుదల చేస్తున్నామని ప్రకటించారు. ఈ ట్రైలర్ విడుదల సందర్భంగా మెగాస్టార్ చిరంజీవి స్పందించారు. సోషల్ మీడియా వేదికగా సినిమా గురించి, నిర్మాత గురించి రాసుకొచ్చారు
మంగళవారం’ సినిమా నిర్మాతలు స్వాతి రెడ్డి గునుపాటి, సురేష్ వర్మ సన్నిహితులు. స్వాతి రెడ్డి.. శ్రీజ కి మంచి స్నేహితురాలు, ఎంతో డైనమిక్ అమ్మాయని పేర్కొన్నారు. యువత, అందులోనూ యంగ్ విమెన్ సినిమా ఇండస్ట్రీలో వివిధ శాఖల్లోకి ఎంటర్ అవుతుంటే చాలా ఎక్సైటింగ్ గా ఉంటుందన్నారు. వాళ్ళు వాళ్ళ కొత్త ఆలోచనలు, న్యూ ఎనర్జీ తో ఫిలిం మేకింగ్, మార్కెటింగ్‌కి ఒక కొత్త డైరెక్షన్‌కి ఇవ్వగలరని పేర్కొన్నారు.
స్వాతిరెడ్డి లాంటి యంగ్ స్టర్ ప్రొడక్షన్ హౌస్ స్టార్ట్ చేసి అజయ్ భూపతి లాంటి ఓ టాలెంటెడ్ డైరెక్టర్ తో కలిసి తొలి ప్రయత్నంగా ఈ సినిమా చేయటం ఎంతో సంతోషం. విలేజ్ నేపథ్యంలో రస్టిక్ యాక్షన్ థ్రిల్లర్ గా రూపొందిన ఈ సినిమా ట్రైలర్ తన చేతుల మీదుగా రిలీజ్ అవుతున్నందుకు ఆనందంగా ఉంది. సినిమా సూపర్ డూపర్ సక్సెస్ సాధించాలని కోరుకుంటూ’ ఎంటైర్ టీంకి చిరంజీవి ఆల్ ది బెస్ట్ చెప్పారు.
