Pavitra Jayaram: Serial actress Pavitra passed away!
Pavitra Jayaram: తెలుగు సీరియల్ నటి పవిత్రా జయరాం రోడ్డు ప్రమాదంలో మరణించారు. షూటింగ్ కోసం బెంగళూరు వెళ్లిన ఆమె నిన్న రాత్రి కారులో ఇద్దరు కుటుంబ సభ్యులతో హైదరాబాద్‌కి తిరిగి పయనమవుతుండగా.. మహబూబ్‌నగర్ జిల్లా భూత్పూర్ పరిధిలో జరిగిన రోడ్డు ప్రమాదంలో ఆమె చనిపోయారు. కవిత ప్రయాణిస్తున్న కారు డివైడర్‌ను తాకి.. ఆర్టీసీ బస్సును ఢీకొట్టడంతో ప్రమాదం చోటు చేసుకుంది. ఈ ఘటనలో కవిత తీవ్రంగా గాయపడ్డారు. చికిత్స కోసం ఆసుపత్రికి తరలించగా వైద్యులు ఆమె మృతి చెందినట్లు తెలిపారు. కారులో ప్రయాణిస్తున్న కుటుంబ సభ్యులు, డ్రైవర్ గాయపడ్డారు.
ఇది కూడా చూడండి: ED Summons : జార్ఖండ్ మంత్రి అలంగీర్ ఆలంకు ఈడీ సమన్లు.. మే 14న విచారణ
పవిత్రా త్రినయని, నిన్నే పెళ్లాడుతా సీరియల్స్ ద్వారా తెలుగు ప్రేక్షకులకు దగ్గరయ్యారు. ఈమె మృతిపై జీతెలుగు విచారం వ్యక్తం చేసింది. కర్ణాటకకి చెందిన పవిత జయరాం కన్నడ టీవీ ఇండస్ట్రీ ద్వారా ప్రేక్షకులకు పరిచయం అయ్యారు. జోకలి సీరియల్‌తో ఆమె నటనా జీవితాన్ని ప్రారంభించారు. ఆ తర్వాత రోబో ఫ్యామిలీ, గాలిపటా, రాధారామన్, విద్యా వినాయకతో పాటు కన్నడలో పలు సీరియళ్లు చేశారు. తెలుగులో ఆమెకు త్రినయని మంచి పేరు తీసుకొచ్చింది.
ఇది కూడా చూడండి: Char Dham Yatra 2024: చార్ ధామ్ యాత్రకు పోటెత్తిన భక్తులు.. రావొద్దంటున్న పోలీసులు
