DJ Tillu : డీజే టిల్లు సినిమాలో నేహా శెట్టి చేసిన రాధిక పాత్ర జనాల్లోకి ఎంతగా వెళ్లిందో ప్రత్యేకంగా చెప్పనక్కర్లేదు. ఆ సినిమాతో పాటుగానే రాధిక పాత్ర కూడా అంతే క్రేజ్‌ని సంపాదించుకుంది. అందుకనే ఈ విషయమై హీరోయిన్‌ నేహా శెట్టి(NEHA SHETTY) స్పందించారు. ఓ ఇంటర్య్వూలో ఆమె ఈ విషయమై తన మనో భావాలను పంచుకున్నారు. రాధిక పాత్ర నెగిటివ్‌ పాత్ర అని తాను అనుకోవడం లేదని ఆమె చెప్పుకొచ్చారు. నెగిటివ్‌ అనడానికి ముందు అక్కడ చిన్న గీత ఉందని దాన్ని ప్రేక్షకులు అర్థం చేసుకున్నారని ఆమె అన్నారు. టిల్లు క్యారెక్టర్‌ ఈ రాధిక అనే పాత్రకు మాత్రమే వ్యతిరేకం కాని ఆడ జాతి మొత్తానికి కాదని అంతా అర్థం చేసుకోవాలని ఆమె చెప్పారు.
చదవండి : చల్లని వార్త.. కేరళను తాకిన నైరుతీ రుతు పవనాలు!
సినిమా మొత్తం ఒకే రకమైన ఎమోషన్‌తో కనిపించడం చాలా కష్టమని నేహా అన్నారు. తాను ఒకే రకమైన ఫ్లర్టింగ్‌ ఫేస్‌తో సినిమా మొదటి నుంచి చివరి వరకు కనిపించానని ఆమె గుర్తు చేసుకున్నారు. అయితే ఆ నటన తన కెరియర్‌కు చాలా ప్లస్‌ అయ్యిందంటూ చెప్పుకొచ్చారు. ప్రేక్షకులు టిల్లు(TILLU), రాధిక(RADHIKA) పాత్రల మధ్య ఉన్న టెంపోను సరిగ్గానే అర్థం చేసుకుని ఉంటారని తాను అనుకుంటున్నట్లు చెప్పారు. అలాగే టిల్లు క్యూబ్‌లోనూ తన పాత్ర గురించి ఆమె చెప్పుకొచ్చారు. దర్శకులు తనకు ఇచ్చిన డైలాగులు ఎంత బాగా చెప్పాలి అనే విషయం మీదనే తాను ఆలోచిస్తానని, ఆ తర్వాత విషయాలపై ఆలోచించనని అన్నారు.
చదవండి : గోల్డ్‌ స్మగ్లింగ్‌లో అరెస్టైన పీఏ.. తనకేం సంబంధం లేదన్న శశిథరూర్‌
