న్యాచురల్ స్టార్ నాని ‘దసరా’ మూవీ పై భారీ ఆశలే పెట్టుకున్నాడు. నాని కెరీర్లో చేస్తున్న ఊరమాస్ బొమ్మ ఇదే. అలాగే ఫస్ట్ పాన్ ఇండియా ఫిల్మ్ ఇదే. ఇప్పటికే ట్రైలర్‌, సాంగ్స్‌తో డైరెక్టర్ శ్రీకాంత్ ఓదెల ఎంత రా అండ్ విలేజ్ యాక్షన్ డ్రామాగా తెరకెక్కించడో చూపించేశాడు. నాని, కీర్తి సురేష్ జోడికి సంతోష్ నారాయణన్ మ్యూజిక్‌.. మరింత ఎలివేషన్ ఇచ్చేలా ఉంది. మార్చ్ 30న ఈ సినిమా వరల్డ్ వైడ్‌గా థియేటర్లలోకి రాబోతోంది. ప్రస్తుతం నాని దేశమంతా తిరుగుతు ఫుల్లుగా ప్రమోషన్స్ చేస్తున్నాడు. దీంతో సినిమా పై భారీ హైప్ క్రియేట్ అవుతోంది. ఇప్పటికే ఈ సినిమా బుకింగ్స్ ఓపెన్ అయ్యాయి. ఇక ఈ అడ్వాన్స్ బుకింగ్స్ ఓ రేంజ్‌లో జరుగుతున్నాయి. హైదరాబాద్‌లో భారీ రెస్పాన్స్ వస్తోంది. ఇప్పటికే సింగిల్ స్క్రీన్స్, మల్టీప్లెక్స్‌లలో చాలా షోలు పూర్తిగా అమ్ముడైపోయాయి. దీంతో దసరా సినిమాతో నానికి కెరీర్ బెస్ట్ ఓపెనింగ్స్ రావడం పక్కా అంటున్నాయి ట్రేడ్ వర్గాలు. రీసెంట్‌గా వచ్చిన ధమ్కీ సినిమాతో ఊహించని ఓపెనింగ్స్ అందుకున్నాడు విశ్వక్ సేన్. అలాంటిది నాని సినిమాకు ఇంకెలా ఉంటుందో ఊహించుకోవచ్చు. ఈ మధ్య వస్తున్న భారీ సినిమా ఇదే. ఇప్పటికే ఎక్స్‌పెక్టేషన్స్‌ పీక్స్‌లో ఉన్నాయి. అందుకే దసరా పైనే అందరి చూపు ఉంది. అందుకు తగ్గట్టే ఈ సినిమా ప్రీ రిలీజ్ బిజినెస్ కూడా భారీగా జరిగినట్టు తెలుస్తోంది. ప్రస్తుతం ఈ సినిమాకున్న బజ్ ప్రకారం.. ఈజీగా నాని వంద కోట్లు కొల్లగొట్టడం ఖాయం. సినిమాకి ఏ మాత్రం పాజిటివ్ టాక్ వచ్చినా.. నాని కెరీర్ బెస్ట్‌గా నిలిచిపోనుంది దసరా. అది తెలియాలంటే.. మార్చి 30 వరకు వెయిట్ చేయాల్సిందే.
