వైష్ణవ్(Vaishnav Tej) సరికొత్త సినిమా ఆదికేశవ(Aadikeshava). ఈ మూవీ ప్రస్తుతం శరవేగంగా షూటింగ్ జరుపుకుంటోంది. శ్రీకాంత్ రెడ్డి దర్శకత్వంలో తెరకెక్కుతున్న ఈ సినిమా విడుదలకు రెడీ అవుతోంది. ఈ సినిమాని ఆగస్టు 18వ తేదీన ప్రపంచ వ్యాప్తంగా విడుదల చేయనున్నట్లు చిత్ర బృందం ప్రకటించింది. కాగా తొలిసారి వైష్ణవ్ ఫుల్ యాక్షన్ మూవీలో నటించినట్లు తెలుస్తోంది. సితార ఎంటర్‌టైన్మెంట్స్, ఫార్చూన్ ఫోర్ సినిమాస్ బ్యానర్లపై నాగవంశీ, సాయి సౌజన్య ఈ చిత్రాన్ని నిర్మించారు. అపర్ణా దాస్, జోజు జార్జ్ కీలక పాత్రల్లో కనిపించనుండగా.. జీవీ ప్రకాష్ కుమార్ స్వరాలు సమకూర్చారు.
చదవండి: Samantha: ఇక సమంత పనైపోయింది.. నెక్స్ట్ అదే?
ఈ సినిమాలో శ్రీలల(Srileela)తో పాటు అపర్ణదాస్(Aparnadas) అనే మరో హీరోయిన్ కూడా నటిస్తోంది. ఇక వైష్ణవ్(Vaishnav Tej) విషయానికి వస్తే, ఇది ఆయనకు నాలుగో సినిమా. మొదటి సినిమా ఉప్పెనతో బ్లాక్ బస్టర్ హిట్ కొట్టాడు. ఆ తర్వత వచ్చిన కొండపాలెం విమర్శకులను ఆకట్టుకుంది. ఆ తర్వాత వచ్చిన ‘రంగరంగ వైభవంగా’ డిజాస్టర్‌గా నిలిచింది.కాగా, ఈ ఆదికేశవ తో ఎలాగైనా హిట్ కొట్టాలని వైష్ణవ్ ఎదురు చూస్తున్నాడు. మరి ఈ మెగా కాంపౌండ్ హీరోకి ఈ సినిమా ఎలాంటి ఫలితం అందిస్తుందో చూడాలి.
